✔ 最佳答案
P仔咁瘦, 你仲俾Canidae佢食, 梗係增唔到肥啦! Canidae係幾好0既天然糧, 但因為係全犬糧的關係, 佢0既蛋白質含量對BB啲嚟講係唔夠架, BB狗應該要食含28%或以上蛋白質的狗糧, 而Canidae最多嗰隻配方好似得26%, 你應該撈埋狗罐頭俾佢食, 以補充蛋白質的不足, 但佢食罐頭會疴爛屎, 咁惟有食其他supplement幫補啦, 可以買營養膏或營養粉俾佢食, 亦可以買狗奶粉沖俾佢飲.
我建議你幫P仔轉隻較高白質的狗糧, 不如暫時食Timberwolf的Wild & Natural(大自然犬隻配方), 蛋白質含量有36%, 適合營養不良及幼犬食用, 食咗佢, P仔應該可以增肥成功架. 呢隻100% organic的天然狗糧,但價錢幾貴, 4磅最平都要賣$124, 亦唔係好多她方有得賣, 你可以打去88寵物店搵汪小姐訂貨(肯定係行貨, 因為佢係等約經銷商), 三佰蚊會免費送貨, 電話係 : 26392006, 亦可以上呢個網址訂購,
http://www.foreverpets.hk/index.php?main_page=product_info&cPath=64_74_177&products_id=891, 但我唔知呢間賣0既係咪行貨, 你訂0既時候要問清楚.
希望以上的資料幫到你, 祝P仔早日增肥成功.
P. S. 等P仔增肥成功或成犬後, 就要轉食返蛋白質含量較低(約20-25%)的狗糧啦, 長期食太高蛋白質的食物, 會對佢個腎唔好架.