有關運動攝影

較暗的球場相信係室內.其實這類環境用DSLR比較適合.
冇辦法要影都一定係開盡光圈,咁暗又要涷結動作你根本唔會有本錢去縮光圈,這情況下快門先決不管用.iso可在800開始試,iso 400只適合一些靜態畫面例如運動員擺post等.必要時iso 1600都要用,唔理得多唔多雜訊.現場光線穏定的話可以用全手動鎖死光圈快門避免受深淺色運動衫或現場射燈影響測光,否則可用光圈先決.
快門速度不可以太慢,連續移動的動作例如半空轉體等基本上要四,五百份一秒,冇可能去得到,可以放棄,1/200秒左右可以涷結稍為停頓的一刻例如跳高去到最高等,應以這個為目標,再慢開始比較危險但即使1/60秒都會有人用,掌握得好的話可以做到運動員面貌清晰但手腳有動態模糊的效果.
最困難的是對焦,一般中央對焦再構圖的方法行唔通.因為都冇時間俾你再構圖.如果相機有連續對焦等功能你可以試下用,不過以DC的對焦速度現場又咁暗多數失敗,最有可能係要靠估計主體會到的路線預先對定差不多距離的物件或者直接用手動對焦估距離.
DC快門時滯長,除非好清楚主體動向可以預先小小按快門,否則好多時都要用連拍亂槍打鳥.

2007-07-19 21:41:57 補充：
大部份運動攝影都係禁止用閃光燈的,因為會影響運動員,尤其係室內,本身已經有照明.坐喺觀眾席夾硬用佢可能冇你乎.不過咁遠閃燈都幫唔到幾多.我咁耐淨係見過影三項鐵人可以用閃光燈,仲要係朝早七點乜光都冇既時候,一出太陽即刻唔準用.

你連你部機個名都未搞得掂, (Canon 係叫Powershot/IXUS, SONY 至係叫Cybershot)
仲要影室內仲要較暗, 乜你仲有得揀咩? (你部係DC, 唔係DSLR, 開AUTO算啦)
將ISO較到可接受既最大, 我估400啦 (800我就唔多得, 不過你可以試下)
咁用AUTO MODE, (仲有咩可以做? 你部只係一部DC)
咁佢會自動將光圈較到最大, 快門開啟時間就會變到最短...
連部機都搞唔清楚我冇辦法估佢會用咩setting. 唔好意思.

2007-07-19 16:24:39 補充：
呀如果好彩你部係powershot唔係cybershot,咁佢係可以外接閃光燈既 (冇記錯係成個系列隻隻都得)不過一支canon原廠有TTL既閃燈你要預成三千銀,但係之後就只會被投訢太光, 而唔會唔夠光.(Canon俾SLR用果支燈好堅)

2007-07-19 23:58:18 補充：
俾唔俾係主辦單位決定既,而一張半張亦未必會即刻捉...係咩都唔清楚既情況下咩都要拎出黎講架啦~