倉鼠打架，如何和好？

A.其實點解要你既鼠生bb呢?佢地都已經打交啦,何必勉強?倉鼠本來就係獨居動物,天生就只係交配先一齊的
佢地已經打交,最好就係分開佢地

繁殖鼠鼠有好多問題,繁殖得又快又多,未生已經有打交要處理,生完又怕佢食晒d bb,到養得大bb又要諗點處理咁多隻鼠,放埋一齊會打交又會亂倫,分分鐘打死晒呢
你而家四隻都覺得好難處理好難放埋一齊,我諗唔難想像再生多幾隻出唻個情況係點,唔好以為兄弟姊妹就唔打交,我細個試過,一樣打死,打到頭甩腸出,好恐怖
養得多又未必有好好既生活俾佢地,想只係要一部份,又要搵人要d 鼠,咁又何必呢

B.好多人都話同鼠鼠分開下or沖涼or2個籠放近d就ok,其實真係唔得架,之後耐d又一樣打,初時唔打,到你訓左佢先打咪仲大件事

C.我覺得你而家要仔細檢查佢地有冇外傷,都要檢查佢地身體同排泄物有冇異常,冇打傷都有機會嚇親,嚇親都會有其他毛病

流血or打傷既處理方法:
1)用藥用棉花咁住傷口,用外傷既藥同佢搽,小心唔好整到眼耳口鼻.
2)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
3)冇受傷既鼠,都必須要仔細檢查一下有冇受傷,之後都要留意佢地2隻既排泄物同身體會唔會有異常
4)佢地兩隻都受驚啦,受驚好易會有其他毛病,同時要keep住檢查佢地既身體同排泄物有冇其他異常
5)保持個籠乾爽清潔,避免細菌感染
6)如果有內服既"外傷素"就可以俾鼠鼠飲住先,但嚴重成咁其實都係要盡快睇醫生先係最好既方法
7)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦.
8)睇醫生既話可以考慮一下.
愛護動物協會診所資料:
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
大圍珍禽異獸及寵物醫院
Tel: 2687 1030 地址:大圍積信街75號地下
http://www.taiwaiexotic.com/

D.希望你可以考慮一下以下幾點,唔好去繁殖倉鼠啦:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2007-07-19 09:24:51 補充：
就算生左BB,鼠bb戒奶後都要同鼠媽媽分開,一來係怕亂倫,二來因為鼠bb戒奶後,鼠媽媽就唔會對bb加以照顧,只會當係一隻普通既同類一樣,唔會有母子or母女感情,一大一細既鼠一齊,打死既機會就更加大

那你就要男生和女生的倉鼠 和 男生和女生的倉鼠一起吧!

男倉鼠 | 男倉鼠
女倉鼠 | 女倉鼠

但生了bb後
要把 男的倉鼠 和女的倉鼠and bb一起分開
因為男的會吃bb
就這樣吧!
原本的 :
男倉鼠 | 男倉鼠
女倉鼠>bb | 女倉鼠>bb

之後的:
男倉鼠 |男倉鼠
----------|-------------
女倉鼠 |女倉鼠
小bb | 小bb