結婚之傳統儀式?

同意上面有位網友既講法, 老人家話一切從簡, 但係唔等如咩都唔駛做, 最好問清楚佢地有咩一定要做, 有咩可以唔做囉

以前安床要擇定吉日, 由好命佬將新床搬到吉位, 再由好命婆鋪上床褥、床單同埋龍鳳被等等, 然後任何人都唔可以進入或者觸碰新房, 直至新人結婚當晚洞房為止; 但係香港地方淺窄, 所以都唔太講究安床儀式

如果唔駛奉茶俾男家家人, 咁接完新娘可以坐花車行個大運, 再返新郎新娘間新屋, 因為接新娘即係等如過門, 唔去接個新娘又點娶佢過自己屋企度門呢?

回門代表男家滿意個初歸新抱; 雖然男家幾乎冇親戚, 但係最好都做啦, 因為新郎都係男家既人, 唔回門咪即係話個新郎唔滿意個新娘囉

不過上頭就唔一定要做喇, 因為幫人上頭既人一定要係個好命o既長輩(配偶和子女全部健在), 而且要搵兩個, 一個幫新郎上, 一個幫新娘上(因為要擇時辰同時上頭, 仲有唔可以一個上一個唔上), 但係唔係人人身邊都有(或者認識)好命o既長輩, 仲要係兩個添; 所以唔一定要上頭, 我兩個家姐就一個有上, 一個冇上喇

當然要啦一老人家把口話一切從簡, 其實個心唔係咁諗架, 結婚話就話係兩個人的事, 但講真都要尊重下老人家, 無佢都無你啦, 祝你新婚快樂, 白頭到老!!

其實如果你們雙方家長都唔介意,
你們真的可以一切從簡~
我姊結婚時都只係註冊,然後第2日飛去渡蜜月!