點解我會蠢左?????專業人士請內進!!!!

仲有冇其他可能性呢? 你最近有冇咩大轉變, 例如(1)升上中學/升上高中, 或者(2)轉校, 搬家? (3)最近開始有異性對象/對異性有興趣?
1) 升上新既求學階段係要適應不同既學習方式, 以前個套讀書方法可能已經唔岩使啦. 例如以前讀is, 串晒d生字記幾句重點已經可以過關, 但上到中三, 忽然phy chem bio, 科科都有唔同讀法, 量又多, 好多時要改變你讀書既習慣.解決方法係參考下其他同學既方法, 問下老師點改進, 例如點樣做自習筆記, 有補習既可以叫補習老師教下路咁啦.
2) 如果係轉校, 搬家, 新環境係會對你心理做成一d負擔. 冇架, 日子耐左會適應架啦. 認識多d朋友仔會有幫助既.
3) 而第三種呢, 係人之常情. 十幾歲係會因為拍拖/想拍拖搞到個人好分心, 成績低落. 要好好處理呢d關係, 唔好因為拍拖影響學業. 如果係既, 都可以搵人help既, 唔使心理醫生, 搵下學校d社工傾下計先啦.
而你講既夠唔夠訓, 夠唔夠運動, 就睇你最近一年有冇大變動啦. 你話一年前好地地個陣訓咁多, 運動咁多, 而家又係咁多, 就無咩理由出問題. 不過有一樣係一定既, 作息, 飲食不定時係會令人精神差d. 後生仔又唔係要出來社會搏殺, 冇咩理由唔對自已好d呀?

2007-07-19 12:39:43 補充：
1 日12個鐘真係真係太多啦, 會訓到頭痛架. 唔好超過10個鐘. 少運動係會個人冇離精神架. 做d簡單既運動, 家務都有用架 [媽媽仲會特別開心添]!! 或者早上, 黃昏出街行下, 日頭太熱都可以去公共圖書館, 總之唔好日日係屋企扮豬[zzz] 或打機. 訓練諗野可以由睇書開始, 搵d課外書 [唔係漫畫] 定個目標幾多日睇完佢. 我個人鐘意金庸既武俠小說, 好睇得來又幫到作文. 仲可以食好d, 例如少食肥膩, 甜野, 呢d野會令人昏昏欲睡, 牙痕就食生果啦, 個腦會精靈d架.

發育期中的青少年,要避免生活中的化學污染,如生活中使用高化學成份的洗頭水、含鉛的護膚品、過量的肉食、嚴重加工的食品(皮旦、香腸、汽水、零食等),均會影響智能上的發展及情緒的集中,亦有歐美研究證實,西醫的藥物及免疫針也是影響到智力發展、精神及情緒的重要原因

生理情況：
1)腦力的降低──腦力降低並不是指一個人的智商降低了，而是指腦部的狀態，簡單來說是腦細胞的活躍程度下降，造成資訊在腦內傳導時，出現窒礙、延緩、流失，因而令人表現出反應遲緩、運算能力下降、無法組織思考等情況。
可能由於在環境因素導致，應選擇空氣流通、含氧量高的地方進行學習，例如公園，充足的氧氣可令腦細胞有效的運作。攝取含有微量興奮作用的食品或飲料也有幫助。

2)健康出現問題──身體狀態欠佳的話也會影響思考。睡眠不足當然會降低腦細胞活躍程度，睡得太多也會影響健康狀況，因此時身體的免疫能力出現了失衡。如田2在正常的情況下，睡十二個小時就真的太多了。

心理情況：
心理方面很難有從一而終的結論，但一般來說，太狹窄的生活圈子、工作壓力大、經常沒有運動，也會影響集中能力。又或者你經常打電玩，腦海中電玩畫面的影像總是揮之不去，那麼根本就無法思考。

睡眠 是最重要的,一個人的睡眠不足,會精神不集中,除了會笨了些少兒,想東西時會太入腦,好容易離題??? 睡眠多是沒有用的 最緊要是充足 11-15歲應該睡9-10小時 16-19歲應該睡 10小時以上 因為16-19歲的青年會比以前煩惱更多,若不睡多點 好容易令精神緊張。

你最好去見下心理doctor,佢可能幫你分析到呢口的問題ga!~