初養兔仔: 必要知的事 (請養兔仔一年以上的主人們回答)

請問你得到家人同意未??一隻兔仔既壽命可以同狗差唔多~係一生一世既事~所以要諗清楚~如果你絕對唔係三分鐘熱度既呢番話你可以唔洗理會~
首先唔同兔仔有唔同性格~如果真係要講點揀只能夠以你屋企大小黎決定~如果屋企太細或者想養細品種既~最好就係侏儒兔或者荷蘭兔~大小小既有賓尼兔,獅子兔同埋貓貓兔~再大d既就係安哥拉兔同埋家兔~佢地已大小可以去到一隻狗咁大(絕對唔係芝娃娃丫,而係史納沙果d差唔多既大細)
養既時候要小心~兔唔同貓狗~佢地唔會叫~要靠平日舉動黎注意~仲有~屋企冇錢真係唔好養兔仔(我冇惡意)~因為兔仔既使費係好大~坊間既獸醫~識醫兔仔既其實唔多~所以唔好諗住平有平養貴有貴養~兔仔每日要食兩次糧~每次一匙~另外7個月以下要食aflafla草~7個月以上要睇timony草~仲有草既牌子唔好日本牌子~日本糧係冇益既~最好既牌子係oxbow~apd呢兩個~兔仔係唔可以餓超過8個鐘~如果唔係腸胃停滯會好危險~至於居所~如果屋企唔係長期有人既~兔籠係必要既~同埋唔好成日困籠~籠底一定要用平底或者同豬仔板~鐵網既話兔仔會好容易生腳瘡~日用品其實唔多~廁所,糧兜,草架~兔籠~水樽~墊料~兔仔係要教去廁所既~唔似貓狗咁好快學識~要有耐性~仲有兔仔最好o係1歲前同佢絕育~女仔可以防止隻懷孕~男仔就可以減少噴尿既情況~同埋絕育後佢會馴d~乖d~
兔仔會有既病同其他動物差唔多~cancer呀傷風感冒我唔講~比較特別既會係膿瘡,腳瘡,則頭症同埋巴德氏桿菌~好慶幸我屋企兔仔未試過呢d病~所以答你唔到點照顧~但係我建議你買本書~叫家有寶貝兔返黎睇~你咩都唔識未養過~呢本書睇完你會學到好多野~
中國兔周街都有~金魚街大把~但係因為中國兔大左會好大隻~所以出面賣既bb全部都係得一個月至兩個月大~有d可能未戒奶既添~但係價錢就真係好平~記住~兔仔唔係淨係食紅羅白~好多兔仔都唔中意食紅羅白既~領養既話你要有心理準備兔仔既年紀會比較大~你可以上香港兔友協會既網站度睇下~果度都有家兔領養既~而且果度領養佢地會比埋錢幫兔仔做絕育之後先會交到你手上~我自己養緊一隻侏儒兔~7個月大~養左5個月~之前養左隻賓尼兔8年~已經去左彩虹橋~呢d問題我覺得唔需要養左一年先答到你~識養兔仔就已經答到你~

1.香港人養兔兔,最好迷你d,我養緊賓尼兔,白色,長耳,真係好得意,我每晚放工,返屋企放佢出來,看著它去來走去,傻更更的,真係令我悶氣全消...haha...你想養,就先看看自己想要什麼樣子的,比如賓尼兔,可愛活潑.....

2.籠子有大有小,如果你家有空間,請買大些少,佢地會生活得開心d

3.糧食...包括草,有兩類必須的,百幾蚊左右,粒狀糧食,都係百幾蚊左右,另外,我喜歡買零食比佢,佢地好似小朋友,買些少比佢地,佢會好開心,我看到佢開心到轉圈,自己都會好開心..

4.領養要等待,你預左(1)難教 (2)時間上要等,因為d機構要時間處理 ,不過可以令無家可歸的兔兔有重生機會,我試過申請,但唔批..可惜..

5.我養緊賓尼兔,佢全身白色,不過佢好乾淨,自己會清潔,

6.兔兔唔同狗,佢地無咁聰明,你要有心理預備...\\

歡迎你成為養兔兔的一份子...........enjor下過中樂趣哪.....