關於海南島

去海南島的話，d人多數都係去三亞，果度可以講係東方夏威夷……

但去得三亞，多數人都係為左陽光與海灘而去，一般黎講，4日3夜、5日4夜就已經好足夠。不過，除左陽光與海灘外，三亞都有景點既，好似︰天涯海角、南海觀音、南山寺……。但我自己上次去，就無去都呢d景點喇，但如果你鍾意的話，都值得睇下成日講既「福如東海、壽比南山」的真面目！

在三亞，多數都係以水上活動為主，所以酒店的設施，海灘的質數係好重要架，金錢上寬鬆d的話，可以住係亞龍灣。另外，如果想去潛水的話，可以去蜈之洲島，個度水清沙幼，好靚架。

另外，去三亞另一個目的，就係食海鮮啦，不過食海鮮就要小心d啦，建議你去「春園」食，因為又平又好食，但要留意有好多假春園，特別係d的士司機，距地講既野一定唔好信，距地多數會話春園唔乾淨、又多人、又唔係最平、又唔好食，然後帶你去一d距地相識的食店食飯，甘距就可以收到回扣，而你餐飯就會變得「貴又唔飽」，仲要食到一肚氣。所以要認清真的春園是在三亞市的河西路北面。

好多人去春園食飯，都會事前去第一市場度買海鮮，而後帶到春園加工，因為甘會係最平。 4個人，200-300元左右，會食到你行唔度，好抵食。建議可以到春園的6排8號，或3掛9號或4排9號彧3排6號。

住的話，如果住在大東海，可以住5星級的銀泰酒店，最平500元左右啦。住在亞龍灣的話，每晚平均都要1200左右，睇你選擇咩酒店啦，因為亞龍灣的酒店大多係5星級的。建議可以住喜來登、天域、紅樹林、剴賓斯基等酒店。

其實，去三亞最重要的是陽光與海灘，其次是酒店的設施，所以不妨住得好少少，住在亞龍灣吧！ 建議你分開住下，以4日3夜為例，最好住1晚三亞灣或大東海，住2晚亞龍灣。住三亞灣或大東海時，因為住市區，所以建議去市區度食海鮮喇！

老實說無咩好玩, 不過提提你不要信D TAXI司機, 我之前俾佢車咗去果D SEAFOOD酒家, 俾人斬到一頸血, 再問下同酒店D香港人, 原來好多人都領野, 所以反而係酒店食仲平.

【太陽報專訊】提起去海南島(網站 - 圖片)，很多人第一時間想到三亞，對於省會海口市，最多只會逗留一天半天。其實近幾年海口已成為海南島的度假勝地，要歎有歎，要玩有玩，吸引程度不比三亞遜色。難得機程不遠，近近㳜在這况享受一個小假期，一樣可以歎到極。

海南島風光明媚，陽光、海灘加上溫泉(網站 - 圖片)處處，使這况贏得「東方夏威夷」之美譽，被認為是泰國、菲律賓(網站 - 圖片)以外，另一平靚正的度假天地。這况最先大力開發的是三亞市，現時已成為著名度假熱點，而近年遊人的注意力開始轉移到海口市，因為這况一樣有連綿海灘，大型度假酒店亦愈開愈多，就連飲飲食食及娛樂消遣的選擇也多得很。

住五百呎大房

想歎得全面，首要考慮當然是住宿方面，在西海岸旁的海口喜來登溫泉度假酒店，值得一試。酒店開業大半年，早已成為全市規模最大的五星酒店，我在這况住了兩晚，當中玩樂設施之多，令人足不出戶都有排玩。值得一提是房間，據講這况每間房至少有五百平方呎，還要間間有露台、小客廳，舒服指數簡直爆燈。

我最欣賞是這况的水上活動區，由六個巨型泳池、一個私家海灘組成，地方大不在話下，四周椰林密布，景致舒服一流才是重點，而且池水全是地下天然泉水，當中又建有六個不同溫度的溫泉按摩池，不冷不熱，在各個泳池暢泳一番後，再跳落溫泉按摩池鬆弛一下，簡直是歎到嘩嘩聲！


美食街歎餃子

住得豪，食也要豪！近年海口市的餐廳愈開愈多，由中國各省市到世界各地的美食都可以歎得到。其中有條新興美食街，餐廳食肆遍布街道兩旁，成為當地的美食天堂，日夜前來搵食的人多到不得了，尤其晚飯時段，每間食肆都會出現人龍，餐廳前的行車道更擠得水洩不通。

食街比較有名是新疆(網站 - 圖片)菜和新加坡(網站 - 圖片)菜，至於韓國菜和四川(網站 - 圖片)菜都不俗，導遊推介我們到一間專食餃子的店舖，猛讚那况的餃子是當地最好味的，既然有地膽帶路，當然要去試試。餃子店名叫1+1，背後意思不知道，只知道這况的餃子，款式及味道果然不俗。我點了甜食的冰花煎餃，以及鹹食的四喜發財蒸餃，前者以蘋果做餡，鮮甜味美；後者則有多重味道，賣相精美。


旅遊資訊

簽證：持有效回鄉證或回鄉卡毋須簽證
機票：乘南方航空直航往返香港及海南島海口，來回經濟客位機票約HK$1,550。
貨幣：HK$1約兌￥1.03
天氣：五月份氣溫約25℃-34℃