如何解救狗仔毛囊蟲之苦?

我小狗(5個月時)之前都係毛囊蟲。發過1次。家下無事。最重要係依時食葯，用專用洗毛液幫佢多D涼&覆診。我都明白呢個時間對主人來講係好難受，但佢會好番。比心機。
認識毛囊蟲:
毛囊蟲是一種寄居在皮囊下的微細寄生蟲.由於毛囊蟲體積太小,所以只有在顯微鏡下才可看見.毛囊蟲終生寄居於犬隻的毛囊裏.

健康而正常的犬隻身上亦可以發現毛囊蟲.通常當犬隻受到刺激或正值青春期,又或者犬隻的免疫系統轉弱時,會出現脫毛及皮膚紅腫等情況.除了天生體弱的犬隻,因低抗力差,使寄生蟲大量繁殖而受到傷害外,大部份犬隻都可控制病情.毛囊蟲只可由母體傳給幼犬,其他犬隻及人是不會受到感染的.

解決方法:
1)依時食葯
2)用專用洗毛液幫佢多D涼(每星期2~3次)
3)依時覆診
4)保持狗狗心情愉快，減低狗狗壓力，亦對病情有幫助
5)幫小狗做絕育(毛囊蟲係遺傳病，有此病之狗隻不應生育，而且每當發情期會成病發友因)
6)減少接觸致敏原
7)保持環境乾淨，乾爽

因為狗狗皮膚較敏感，食物都要注意

希望幫到你

非常同意以上說法。補充一點你隻狗可能 lum 左手腳或身上 D 藥所以嘔，要小心。另外不要過份用藥水浸洗會很傷皮膚。同試下比 D 美毛油/粉如 Bio Coat，補充皮膚所需營養，長期泠氣保持低溫度和濕度。再試下上星期3週刊介紹何文田日本美容院，他們好像專洗難斷尾皮膚病。希望有幫助。

如果剩係醫毛囊蟲, 你都睇咗醫生, 其實可雙管齊下, 我之前隻狗都係咁好咗, 我係寵物店買咗一隻死海浴鹽, 性質溫和 BB仔都用得, 先沖乾淨隻狗, 再用膠盆開稀浴鹽, 抱佢坐住盆水, 再不斷潑水落隻狗身體上, 沖大約20分鐘, 然後過清水. 用咗5~6次就好咗.
你係咪話佢仲又呵又拉? 你地都好唔小心, 再睇多次醫生!! GOOD LUCK!