Clinique致敏? 咁仲有邊隻brand可以用?

我唸你唔好唸住買laneige 先.
clinique 我自己, 家姐同一個friend 同過, 都敏感, 我個friend 搞到要睇皮膚科醫生, 一睇就幾個禮拜, d $ 絕對可以等於兩個月糧. 所以我對呢隻牌子我抗拒。
你要知道, 佢話通過測試, 但佢無講來源, 測試方法, 同測試數量, 完全無醫學根據. 同賣廣告一樣, 好似skii佢話自己用完好似打激光咁, 你信嗎?

呢個時候, 你要用番d 真係低敏的cleanser 醫番好你的皮膚先. 好似aquanil cleanser (係萬寧, watsons 藥劑師counter 有售, 你可以買一支細既用下先, 一支都係70 度, 完全平、靚、正) 我係一個醫生介紹用的, 個排極敏感, 一達達. 都係用佢洗面, 洗完用佢隻lotion 搽埋面. keep 住一個week, 就有改善。 而家我好番, 都係早上起身用佢洗面. 夠溫和。

clinique雖話通過過敏測試,no color, no perfum, 但仍有加其他有可能致敏的物質如防腐劑等,我最近試用bioderma的產品,它sensibio條line係比敏感皮膚的,它的潔膚水和眼霜我在皮膚敏感期間使用都冇事,所有萬寧都有售,都唔算貴,潔膚水是$198,另外,有一年我塊面勁敏感,用左Acseine都唔錯,但我只用過它的洗面和防曬,價錢忘了,我想和clinique差不多吧,聽說它有條line比又敏感又有暗瘡的皮膚,口碑不錯,但它現在只摺剩尖當永安個counter,好唔方便!

laneige有條line係for敏感皮膚既，我自己呢排都有敏感情況，用左之後好左好多。

不過敏感皮膚都係唔好亂咁用野
同埋唔係人人都岩用
我個fd用fancl都敏感
所以我覺得你真係要去counter試左上面，行左個圈，冇問題你先好買
唔係就冇左幾百蚊架啦