✔ 最佳答案
如果我冇記錯的話,經濟艙應該只有 23 kgs。飛美加就可以帶 2 件行李,每件不能超過 32 kgs,但係宜家有啲航空公司都會改做 23 kgs。如果你想肯定寄艙行李重量,你可以睇番張機票,因為機票上面一定會寫可寄艙行李件數同重量。就算係電子機票都會有o架!不過,會有例外,你可以睇埋 restriction 嗰度有冇俾任何 allowance 你。如果你訂機票嗰陣,冇同 agent 講話要加行李重量 allowance 的話,一般情況下都唔會有。
洗頭水、沐浴露係可以寄艙,但就唔可以放喺手提行李。
行李超重罰款係視乎不同航空公司o既價錢,所以答唔到你罰幾錢。罰幾多都好,你件行李唔好超過 32 kgs,因為有啲國家好講勞工法例,過咗 32 kgs,佢哋係唔會幫你搬嘢o架!
2007-07-18 17:47:53 補充:
由於現時香港國際機場實施咗手提行李中液體o既管制條例,所有超過 100 ml o既液體都唔可以帶上機。其實冇咩必要,不如寄艙,唔使煩嘛!