請問沙田駿景園好唔好住?

1. 我就覺得 6或者7座好 D。因為呢係第一期 ( 1座 - 3座及5座 - 7 座係第一期，另外o個 D係第二期！) D大堂大好多，而且如果你唔係自已車番工的話，由呢兩座行去火車站係最近。同埋商場都近呢邊！但係成個環境都好好喎！

2. 向邊個方向就睇你個人喜好喎。有人覺得內園景望住好多綠色o既植物舒服 D，有人就覺得望馬場o個邊靚 D。咁當然望馬場會貴 D啦！

3. OK方便喎，5-7分鐘就到火車站喇！另外有村巴落新城市廣場。又有 88K巴士去大圍 (經火炭及大圍火車站)，811小巴去愉翠園 (經第一城)。通宵時間如果行出村口去九肚山腳又有小巴去大埔、上水、粉嶺、觀塘、旺角、銅鑼灣 (呢條線朝早4點後仲會去埋西環)。我朝頭早 6點要番到西環，5點出門口就得喇！仲有 801小巴入馬安山。

4. Sorry，呢樣就真係唔清楚喇！

5. 我自已唔覺得好多空置單位喎！

我係地產agent,希望答你問題啦.

1 and 2)我個人覺得1-7座,中層至高層向東南望馬場方向唔錯,馬場景及河景都有,景觀好,方向佳,但一定要高過馬場看台先得,否則會俾佢擋住.不過,呢幾座向東南的單位都偏大,成1623呎,價錢會貴D.
8,9,10座的E及F都係東南望馬場,不過就位於後排,景觀角度窄o左少少,不過單位細D,大約1100至1200呎,價錢都經濟實惠D.

3)交通都OK,如果住6,7座,行去火車站,都係大約6,7分鐘,最遠的1,2,11座,就大約10分鐘左右.VAN仔有801去馬鞍山,811去沙田第一城.巴士有88K去火炭and大圍,屋苑本身有村巴去新城市廣場.大埔公路有好多VAN仔去香港及九龍區,尤其夜晚最多,亦都好快.( 如果你唔驚坐亡命飛VAN的話,哈哈 )

4)要睇質素而定,前排向馬場,大約$5300-$5700左右,我個人覺得大約$5500可以接受,因為遲D信和何東樓項目,最保守估計都要叫價超過$7000一呎,駿景雖然over10年樓齡,但用料靚( 新鴻基樓 ),實用高( 普遍都有接近85%實用率 ),有一定捧場客,到時班一手買家買唔起時,好自然就會流入駿景園.( 純粹個人意見. )

5)講真,我真係唔覺得有好多吉單位.

希望幫到你啦,如果你有問題,可以e-mail俾我再傾,my [email protected]

我在沙田做地產.我很了解駿景園的具體情況,我可以告訴您在沙田駿景園的第一期6和7座以及第二期的8座是最好賣,距離商場最近.向內園景和向馬場景是最好.交通有九廣東鐵,馬鐵和巴士.駿景園里有穿梭巴士服務往返沙田新城市廣場或市中心,英文幼稚園及逾九萬呎購物商場內設有大型超級市場,會所設施包括室內模擬滑雪場、50米泳池、園林式泳池、兒童游泳池、室內羅馬式泳池、水力按摩池、網球場、璧球場、室內籃球場 / 羽毛球場、健身室、健康舞室、兒童遊戲室、休息間、宴會廳、高爾夫球投影室、酒廊、桑拿浴室、緩跑徑、棋藝亭、兒童遊戲場及園藝花園.

2007-07-18 14:49:13 補充：
現時駿景園呎價4800至5500一呎.現時空置單位已經不多,因為很多單位都已經賣出,7,8月是暑假旺季所以近半個月成交上升20%創23周新高,而且租金不斷上升,供抵過租,刺激買家入市.歡迎來電查詢詳情:94460433 何小姐