Canon 400

要整條項鍊都清楚最好盡量垂直咁影,因為DSLR的景深淺加上對焦距離又近如果打斜影好難做到整條都清晰的.
Close up睇唔到細節主要係對焦問題同景深唔夠.
Auto mode唔好用,因為佢唔識用一個細光圈去增加景深.建議用Manual mode將光圈設定得比較細例如f16,f22等等,調較快門獲得正確曝光.
P mode同auto差不多,又係唔識縮光圈,唔好用,花花可能會識縮光圈,可以試下不過唔得就用翻Manual.
閃光燈會反光唔係咁適合影項鍊,最好用其他連續光源.
必定要用腳架,因為咁細光圈快門會好慢的,而且由於景深淺,輕微的前後移動也會失焦,平時半按快門再構圖這招不管用,而且唔好直接按快門,要用兩秒延遲拍攝,想影像細緻也不要用高iso, set最低例如iso 100最好.
影微距自動對焦好多時對唔準的,改用手動靠眼睇,清楚就得.
你支kit鏡放大率有限,太近係對唔到焦的,要買過支微距可能要好多錢,你可以換支有微距功能的變焦鏡例如Sigma 17-70 f2.8-4.5 DC macro或者加close up filter, extension tube等.