花羅漢可唔可以同紅蓮燈一齊養(或其他熱帶魚)?10分

１．多數生物都係大蝦細，而花羅漢亦唔係乜野善良o既魚。你都話佢追清道夫啦，咁你話紅蓮燈有冇得剩？
２．要夾硬將佢同其他熱帶魚混養，就要係佢食唔到o既。最起碼係體型有得揮o既，亦要唔係大得o黎冇火氣o既。你放條金魚入去，身型夠大，但一樣會被追。但如果你放條珠仔入去，夠大又夠惡，就可能變左打交互片，又係唔係你想見到o既情況？
揀魚養時，其實你就已經要預左個缸將來可以點「發展」，如養燈魚就可以不同種一群群咁養，羅漢呢ｄ大魚，基本上唔冇乜選擇架啦。你又要養羅漢，又要睇小魚，一係開多一個缸，一係買ｄ魚俾佢追／食。
「以熱帶魚速度應該可以避開花羅漢攻擊個wor... 」小朋友，你係唔係想睇羅馬鬥獸場？就當有ｄ熱帶魚夠快，你將佢地困埋一個缸中，要ｄ魚仔不斷去逃命，咁直情就係虐待！存心餵魚還可以，只係為左睇就實在太過份啦！一係死心，一係開多缸啦。
圖片參考：http://hk.yimg.com/i/icon/16/33.gif

３．石又好，砂粒又好啦，冇乜所謂。但其實好多人用清缸（冇砂石底），一來免得佢地周圍搞撞損自己，二來容易清理。
４．我都唔知你條清道夫可以點。都係o個句，開多缸啦。再唔係永久隔開佢地。
圖片參考：http://hk.yimg.com/i/icon/16/33.gif

５．棉唔夠架。最起碼要有生物環，生物環係陶製o既，有好多窿仔俾菌附著，ｄ菌就會清理水中o既廢物。又要最少一星期換三份一水，吸走缸底o既屎。

2007-07-23 18:18:15 補充：
生物環放係過濾器入面o既，因為要水流不斷經過，等水帶廢物俾菌食嘛。

花羅漢o既性格根本不宜混養,
同弱小o既魚一齊,
弱小o既魚就成為佢o既午餐,
同惡魚一齊就肯定日打夜打!!

鋪唔鋪石無所謂, 比多樣野佢玩都好!

只係用海綿一定唔夠,
生物環, 生化棉, 活性炭都可令水清,
唔好懶啦, 做野啦!!