8月想去大陸2天, 請問長隆 / 海泉灣 / 御溫泉比較好?

以泡溫泉黎計，御溫泉會比海泉灣好d，御溫泉溫泉池的種類多好多，海泉灣只是溫泉池的形狀不同，但池水都是差不多，可以講話無咩特色可言。海泉灣池邊可供應的毛巾非常少，個毛巾架上經常都會無晒毛巾，呢方面就御溫泉做得比較好dd，但海泉灣而家有無改善到，我就唔知喇！

另外，御溫泉在池邊供應的免費飲品的款式多好多，雖然都係d普通野，但係都可以叫做有得揀下，特別係d中藥池度，仲有各種涼茶飲呀。而海泉灣就少dd甘啦，不過都值得一提的是，距地提供的「薑茶」整得好好飲，我係去舊年12月尾去的，果時距地剛剛開，而天氣又有dd冷，飲一杯薑茶，覺得非常好飲。

其實如果你去過御溫泉，但未去過海泉灣的話，你都值得一試既，但係就真係一試囉。不過日後就好難講，因為海泉灣而家仲擴建緊，可以以後會好過御溫泉都未定架。

但提一提你，你8月先去，果陣大熱天時，你都係諗下先好。泡溫泉，都係冬天去好feel d架。

我6月中去左御溫泉，果時都熱，但泡o係溫泉度又唔覺得話好熱，仲好舒服！果度有個好處就係溫泉池24小時開放，你幾點去浸都得，超free！我果時住vip房，幾good！環境好、服務好、食物好、價錢平。我住vip950蚊，同標準房價錢好似相差2百幾左右。如果你係想放鬆心情、慢慢嘆，御溫泉就真係唔錯。我同男友都話會再去。御溫泉o係香港有辦事處，你經佢book房平過你去旅行社買套票。所以自己去都得o既，仲可以去埋澳門玩。

如果你係想玩o既就去長隆啦~~~一定要去新開果個水上樂園。雖然我無去過，但睇今屆港姐，見到果度都唔錯，好有以前海洋公園水上樂園feel。如果你怕浸溫泉會好熱就去長隆啦~~不過好似跟團抵d，因為長隆酒店都幾貴下，仲要未計食野wor~~如果係咁，你倒不如o係廣州住，o係長隆玩完就返廣州，車程都快o既。而且廣州酒店選擇多d，想經濟d可以book b&b酒店，如速8、如家、有一居等，一晚唔駛3百蚊，你放心間房好乾淨，你可以自己上網search下依d酒店，依家好hit o既！

至於海泉灣，你有興趣就跟團去啦~~雖然有不少節目要自費，但若果你係就咁book佢間酒店房住好似最平都要成千蚊，又係未計食野同車費。

三度都去過晒.強烈建議你去長隆水上樂园玩超正.同七八天氣最適合啦.三十幾度.其它嗰兩个地方留番冬天去都得麻.係咪!

三個我只去過兩個，冇去過御溫泉，只知暑假長隆激貴中．．．．．

去三日兩夜己經要９９９＝．＝”

建議御溫泉啦咁＠ｏ＠事關我去過海泉灣冇咩特別的