香港的壽司店的收費

元氣同元綠我都食過 (雖然好耐冇去喇) 每人$200一般都夠, 除非您點好多貴o既食物, 例如海膽. 不過我覺得元氣/元綠o既壽司質料好麻麻. 幾年前都仲算勉強可以接受, 但係依家有較多選擇, 相比之下呢兩間真係唔得喇. 以下幾間我都食過, 價錢就間間差唔多, 每人約$100-200, 視乎你食乜野 (我同老公兩個人加埋通常食$350左近)

1. 板前 (旺角/尖沙咀/銅鑼灣)
2. 和花庭 (尖沙咀/旺角)
3. 峰 (旺角/銅鑼灣)
4. 壽司正 (尖沙咀)
5. 羽 (尖沙咀/旺角)

我食過好多次板前, 佢o既壽司真係好新鮮, 但係員工方面唔夠無峰專業同有禮 (由其係旺角店, 有幾個女仔真係態度好麻麻). 我就通常會揀時段較少人去食, 個人鐘意食佢o既三文魚腩/吞拿魚腩/油甘魚腩/海螺等等

和花庭我較少食, 不過感覺好好, 推介係活魚, 又多選擇又新鮮, 員工亦有禮貌.

峰我通常都去旺角店, 長期有兩位日本師傅, 壽司toro好味, 現時promote緊o既特長墨魚都好食, 員工夠專業同有禮, 值得一讚

羽我覺得佢好多沙律醬壽司 (eg. 蟹腳), 完全唔明點解....不過其他都算可以啦! 等位唔算太耐, 員工亦算唔錯

正壽司亦好味道, 有日本師傅坐陣, toro同海膽都十分美味, 另外佢有做較少迴轉壽司店做o既山葵卷 (之前有一排峰有得食), 可能因為較多日本人幫趁佢啦!
以上o既壽司店晚間繁忙時間都需要等幾耐下, 如果您唔想等太耐, 咁可以夜晚六點前/十點後會較好. 午餐時間會好o的, 唔使點等.

元氣、元綠最平一碟約$10，有兩件三文魚壽司、六件小卷、蛋壽司之類，貴的如花之卷要$25一件，刺身要$35一碟，看你吃多少和甚麼，以每人吃7-8碟計，$200一個人應很夠了。如你剩吃海膽($~80一碟)、刺身當然就不夠了。
我常吃(不吃刺身、海膽)，一般$150(兩個人)就埋到單。

10$$一碗壽司,你要see你吃亮