幫bb清潔pat pat係咪只係用濕紙巾就ok?

我兩個小朋友,
初初頭半年(0-6個月大)
都係用脫脂棉,因為係姑娘推介
又平又好用,又無刺激性.
一卷可以用半個月至一個月
(唔係好記得我兩個小朋友都7歲同5歲)
你可以你係藥房買
一卷10幾元,
用把乾淨剪刀
剪到好似卡片咁大或手掌咁(唔計手指)
每次用暖水浸濕脫脂棉
我就慣用一個盒有蓋裝住
用嘅時侯加入暖水(食用)
一吓一塊.
睇吓你個BB大定小,男定女
女仔就要乾淨啲,因為好易發炎
女仔由上而下抺,不可以由下而上抺
因為大小便會有細菌.
男仔就簡單得多
點抺都無問題.
大便一次大約用7-8塊到
小便一次大娥用3-4塊到.
另外濕紙巾最好留待出街用會方便啲.
不過如果你用過脫脂棉,又抺得乾淨.
我諗你都會好似我咁會攞出街用.


PS.點呀你生咗BB未,記得去完廁所,
清洗傷口之後都要換一塊新嘅衛生巾,
咁就無咁容易發炎.

我生完係醫院個陣,有一個護士同我講,其實清潔BB pat pat最好方法係用暖水清洗, 唔好用市面上既任何濕紙巾,當然如果同BB出街就例外啦! 因為有些濕紙巾有刺激成分, 有些BB個pat pat好紅, 有些媽媽唔知以為多d幫BB抹會好, 其實只會愈用愈衰架!
所以我個陣就跟左當日護士建議既方法 :
開d暖水, 然後我事前已準備一些藥用綿花(唔好咁易甩毛個隻) , 同BB清潔patpat, 之後用一些比較靚同柔軟既紙巾印乾, 然後再比BB個patpat抖一陣先著番條片,唔駛成日焗住BB個patpat,咁就冇咁易起紅疹喇。

我就覺得喺屋企可以用棉花，用個兜載住啲水，將棉花放落水裏，就可以。
一來可以慳過濕紙巾，二來對ＢＢ冇咁刺激，不會整損ＢＢ，但去街就一定要用濕紙巾。
我諗不需要用乾紙巾吧！

我覺得如果係屋企就應該邦BB用清水洗Pat Pat,因為濕紙巾祇終都有刺激性,唔係咁好

先用屋企平時用開既面紙抹走d屎,

再用濕紙巾抹就ok,

可以著番紙尿片la,

面紙要濕左水唔會散開果d.

希望幫到你la =]