有關意粉...急...(20分!!!)

1. 兩包, 在超市有, 大約$6-8一包
2. 要兩大樽, 也在超市有, 大約十幾廿蚊一樽, 有時有特價, 也有很多味道, 普通的都是茄汁底, 有的有磨菇, 有的是蒜味, 也有煙肉味的; 還有白汁底, 也有磨菇味, 香草味等... 通常後面有說明和份量教你...
3. 就咁將意粉醬淋上面唔好食, 而且又凍... 唔好食... 係好難食..
4.
先用大量清水煲滾, 兩包意粉要用個湯煲, 或者分開兩次煲啦... 加一茶匙鹽, 水滾放意大利粉, 用筷子不時攪下, 撩鬆一下D意粉, 唔好比佢黏埋和黏底, 要多D水.. D 意粉可以攪動到... 水翻滾, 計時, 跟據包裝後面所述所需時間減一分鐘, 不然就太稔, 發得太脹, 好難食... 然後倒落茜箕隔水及在水喉水下沖洗一陣... 隔水備用..
煲意粉時, 可以切定材料, 簡單一些, 可以腸仔切粒, 磨菇切片(可以用罐頭的), 唔用腸仔, 在街市或超市買免治牛肉都得 (可以唔醃, 因為D醬已經有味, 如想好味D, 加少少糖和生抽, 生油撈一撈) . 因為意粉醬裏面無咩料, 自己加D會好D, 唔使話好似醬撈意粉咁齋...
燒熱鍋, 加少少油 (olive oil 或生油都得), 油熱時落腸仔或牛肉, 炒一炒, 再加磨菇, 然後落意粉醬, 炒均至意粉醬都熱, 加入已隔好水的意粉, 再拌均, 可以試味, 有需要可加少許鹽和胡椒粉調味... 完成..
意粉醬要炒熱才加意粉先好味, 即使咩都加都要煮熱先加意粉...
可以分兩盆意粉, 一盆用腸仔和磨菇, 一盆用免治牛肉和粟米粒(罐頭, 不要買錯粟米蓉); 或者一盆用茄汁底的意粉醬, 一盆用白汁 (白汁可以雞肉粒, 磨菇或粟米粒都可以..)
建議你兩包分開次整, 即使同味都好... 太多你初哥, handle 唔到...
其實如果還有其他多款食物, 可以只整一包, 如果得一樣, 咁就要整兩包了...

1. 1包大概足夠2-3人左右, 所以可以買4包
價錢: ~hk$10-15........................................total: hk$40-60
2. 1支意粉醬大概hk$15-20.要買2支.............total: hk$30-40
3. 可以, 味道都ok, 但係會冇咁香同埋冇咁濃.
你可以試下加d簡單既食材, 例如香腸, 煙肉, 磨菇, 甚至係蕃茄片都得... ...
4a. 腸仔意粉食譜(10人份量)
材料
意大利粉 600克
腸仔 500 克
番茄 4 個 [切細粒]
洋蔥 2 個 [切細粒]
冷凍青豆/豌豆仁 5 湯匙

醃料
財神蠔油 3 湯匙
芝麻油 (混合) 2 茶匙
粟粉 1.5 茶匙

芡汁
糖 3 茶匙
粟粉 2 茶匙
牛膝草/馬郁蘭 [Marjoram 香草] 1 茶匙 [隨意]
番茄醬 10 湯匙
水 8 湯匙

做法
1. 將意大粉放入沸水中依包裝指示烹煮或煮至軟身，瀝乾，上碟保暖。
2. 免治牛肉與醃料拌勻。
3. 用2湯匙油爆香洋蔥，加入免治牛肉、番茄及青豆炒至牛肉轉熟，加入芡汁煮至熱透，淋在意大利粉上，趁熱進食。

註：肉醬亦可伴飯或薯蓉/土豆蓉等進食。

4b. 腸仔意粉食譜(10人份量)
材料：
意粉 500克
洋蔥 2個
青椒 1個
磨菇 100克
腸仔 250克
蒜茸 3粒
蕃茄 (罐裝) 600克
水、上湯 400毫升

製法：
1. 洋蔥、青椒切粒。蒜頭、芫茜切碎。磨菇切片。芝士磨茸。
2. 用油爆香蔥、蒜茸、青椒，炒約5分鐘，加入磨菇，免治生肉煮至半熟；加入茄膏、蕃茄，thyme、上湯、胡椒粉攪勻。蓋上煲蓋慢火煮30分鐘後加入芝士茸，溶後收火。
3. 燒水後加1/4茶匙鹽及意粉，煮至軟身後隔去水份。用1湯匙牛油拌勻後上碟。
4. 把肉醬淋於意粉上，以芫茜茸裝飾。