魚和蝦可以一起養嗎 ?

魚同蝦係有可能一齊養o既。但：
１．蝦要係「水草蝦」，簡單o黎講，即係唔係用o黎餵魚，有對大鉗o既。有鉗o既蝦會獵食，ｄ魚就凍過水。「水草蝦」係食藻類、沉左落底o既糧同死魚o既，冇鉗。市面有大和藻蝦（珍珠蝦），蜜蜂蝦，虎紋蝦，櫻桃蝦，水晶蝦等，仲有大大隻，前肢係幾把扇咁o既網球蝦。
２．魚要唔大條，燈魚同鼠魚（三間鼠o個ｄ唔係鼠，認住白老鼠、藍印鼠o個ｄ樣，唔同樣o個ｄ唔係鼠，係 catfish 科，雜食性！）都可以，但會生得大條o既好自然就會食較細o既生物，到時唔好諗住困佢入生仔缸佢會改過自身變食齋。因此一定要諗清楚。
３．養蝦水唔可以熱，佢地冇魚咁頂得熱，當中以大和藻蝦最捱得。蝦仔要地方柄埋一二邊，所以要有木石水草。好多蝦都可以產卵，但有養魚的話，多多都唔夠佢地食架啦。
＊　＊　＊　＊　＊　＊　＊　＊
種草多數用泥。用石太疏水，疏到根抓唔實，肥留唔住。河砂就介乎中間，如果種椒草，據講用砂種比泥更靚，而由於疏水，連唔可以埋入泥o既鐵皇冠、蕨同水榕類都可以埋入砂。不過冇肥，所以完全要靠你自己加，pH 值亦要你自己控制，咪話唔煩。貪方便o既人都用黑泥，因為一來顆粒大小適中，可以俾根抓緊，二來會令水質保持穩定o既偏酸 pH 值，三來又有肥。
有肥唔代表唔駛施肥，新缸最底可以先加基肥（豐儉由人），由得佢慢慢溶被草吸收；另外亦有液肥同其他一支支捧狀塞入泥o既鐵肥（紅色水草必須補品）等等，以及定期加入水o既微量元素。
＊　＊　＊　＊　＊　＊　＊　＊
所謂底濾，係好似十幾年前o個ｄ，將隔屎板放缸底，上加泥砂。隔屎板一角係一支垂直水管，插氣管入去，氣出時帶動水流，水就砂頂抽入板下，屎就跟住沉入板o既空間。但咁樣只係眼不見為乾淨，要定期插條喉入板底抽ｄ屎出o黎架，完全係物理過濾，冇養菌，十分落後。另外，上面都講到有氣出，ｄ氣造成氣泡，會帶走種草必備o既二氧化碳，錢o黎架嘛。所以養草o既人唔用底濾，用濾筒。
＊　＊　＊　＊　＊　＊　＊　＊
種草用白光，白溫6000-8000k o既管，因為超出呢個範圍，水草就用唔到呢ｄ能量，益左藻類。紫色燈（相信你唔係講緊紫外光啦
圖片參考：http://hk.yimg.com/i/icon/16/10.gif
），平時可以唔開，甚至唔買。

可以, 我d 虎紋蝦同孔雀一齊養
可以, 但比較難, 能夠種o既草亦好少, 所以都係用沙底泥面好, 固體肥(塞入泥)同液體肥(滴落水)
底瀘係一塊疏孔板放在缸底, 利用氣體加水流, 將排泄物給附在缸底
要睇你所謂紫色燈係咩? 紫外光燈殺菌, 另外一d 紫色燈係補充白光管比唔到o既色溫光線

我所認識其實很少, 以下網址可以參考

http://www.aqugrass.com/phpBB2/portal.php