養咩狗問題 ...唉...40分

我覺得你養咩狗都好, 睇唔睇到靈體又好, 可唔可以僻邪都好啦...最重要係你真係鐘意先得架！唔好因為貪一時興起而養囉...

因為狗的磁場同我哋人類唔同, 所以狗仔好多時都可以感應到第二個空間的東西, 如果當牠們覺得不安果陣就會發出一些音頻（例如：狗吠...）, 所以佢哋並唔係有僻邪作用...我亦希望你唔係因為想要僻邪而買狗啦！

我細個時就養過狼狗...佢哋真係好乖好順架, 對主人又忠心添又識得看門口, 最重要係服從性好高...所以我建議你養狼狗又或者德國狼狗就最適合呀...（touch wood講句...有賊入屋都唔使驚呀）...

而洛威拿唔係唔好...只不過佢就太過忠心啦（忠心變成妒忌）., 因為你如果養得佢就一定唔可以養多一隻狗, 就算係同類都唔得呀, 如果唔係隨時打起交上嚟傷及無辜...
同埋就算你屋企有幾多個人都好, 佢都只會認定餐餐俾飯佢食果一位主人架咋.,（因為我有位uncle養洛威拿架, 但係就係佢屋企果位工人打點佢一齊起居飲食, 所以佢隻狗從來都唔會理我果位uncle...仲試過想咬佢添呀...）所以我勸你都係唔好諗住養洛威拿呢種狗狗啦！

如果你想勸你屋企人的話...
（１）首先你最好就諗清楚你係咪真係好想養狗或者有冇必要養狗？
（２）同埋你要能夠同你父母保證你養得佢就會照顧佢的一齊（包括：大小二便, 起居飲　　　食, 出街散步...）都唔需要勞煩到佢兩位老人家...唔好買咗狗狗返嚟就咩都唔做...係　　　真係照顧得到先好...
（３）你同佢哋解釋養狗的好處（例如：你哋住村屋, 夜晚有隻狗喺度看吓門口都會安全　　　好多囉...但切記唔好用佢可以僻邪呢啲藉口呀！）
（４）總之一句講晒...千祈唔好先斬後奏...一定要同你父母商量好傾掂先好買呀...

祝你成功啦！

其實洛威唔係你想像中甘惡的
你提及既果D好惡既呢就係因為佢個主人冇乜點理佢
佢悶,,所以想搞D野出來引人注意姐

你可以試下養邊境牧羊
服從性最高,,最聰明
分分鐘你教佢既野佢可能一至三日就識哂
你可以考慮下養佢

你有冇聽過有一種被稱為「啞狗」既狗？？
佢係Basenji[←唔記得中文名==`]
佢唔會吠的
如果你想養一隻唔會成日吠既狗
你可以考慮下養佢

至於僻邪......
其實係冇狗可以僻邪的
呢D傳言只係一D人養過某種狗[例如洛威拿]
而佢係家到吠完後D衰野走哂
所以佢先會傳播呢個謠言出去的

無一隻狗會十全十美的，最主要係你接受佢所有好同唔好既野，你養得既就一定要負責任，既然你屋企人唔鐘意養狗，無論邊一種狗佢地都唔鐘意架啦，你試過2次都係同一結果，你又何必勉強呢，不如等你第日有機會可以養又無其他人阻止既時候先再考慮養啦，動物都有感覺有感情架，你係呢個情況下養，我諗你最終都係會放棄佢架啦 ~ 所以我都係勸你唔好養住先啦，第日真係有機會先養啦，我見到d動物被遺棄，真係好心痛，希望你三思啦，唔好再製造孤兒啦 ~~ thx !!! 而且養狗並唔係為左癖邪囉唔該!

試試銀狐或小牧
其身型適中, 不大不小, 亦聰明, 性格良善.
不過妳所謂僻邪等, 每種狗都幫不到妳的.
除了傳說中的黑狗(唐狗)外.
而狗惡不惡的話就是主人的教養外, 妳所謂的大狗(狼狗/洛威拿), 都是比較惡, 除了金毛或牧羊外.

其實我覺得你响養狗之前要考盧清楚,因為你過去已經有2次中途棄養經歷,而你父母亦唔係咁鐘意養狗,所以你今次再養狗狗前真係希望你諗清楚先做,最重要係同屋企人商量好先,因為狗狗係有生命有感覺架,如果你養養吓唔要佢,佢會好唔開心好慘架,佢又唔知係咪自己做錯事所以你唔要佢,亦有可能令到佢唔再相信人.所以請你養之前一定要諗清楚.至於養邊種狗狗其實都唔係問題,只要你係鍚佢佢一定會對你有回報架,重有我唔覺得狗可以見到靈界的野,呢啲只係人既感覺,你信的可以話每種狗都見到,而我唔信既就隻隻都見唔到.同埋答番你洛威拿呢種狗狗既問題,我之前係有上過一啲訓狗課程,阿sir有提過洛威拿呢種狗,你睇佢個樣好似好惡咁,原來佢同摩天使都係列入"小孩最佳玩伴"既狗種之一,但要留意既係呢種狗會係一個計時炸旦,佢本身唔係一種惡狗,但人唔可以挑釁佢,你搞佢一次佢會忍你,但係你如果長期咁去挑釁佢,到有朝一日佢忍受唔到就會炸旦爆炸咬人,唔知你重記唔記得有一個細路女俾佢爸爸養既洛威拿咬死咗,我阿sir既朋友識得佢地一家人,原來個細路女一直以來都好鐘意用個羽毛球拍去打隻狗狗,隻狗一直都忍住冇發惡,咁大家都唔發覺有問題,直到出事嗰日個細路女又玩玩吓攞個球拍出嚟打隻狗,因為一路大家都唔覺得有問題,所以根本冇人注意到有唔妥,跟住隻狗就突然發狂咁咬住個細路女唔放啦.但亦唔雖要咁驚呢個狗種,呢種狗只係有少少神經質.其實你唔係好過份咁搞佢,狗狗係唔會咁易咬人架,特別係佢既主人,因為佢都知你係佢米飯班主.都係嗰句你係錫佢佢地係知架.

我估每隻狗都唔會見到d野
我姑姐養鬆獅狗
幾乖...對野食最有興趣
不過好似幾自閉lo
淨係對主人講既先聽
一係我覺得金毛尋梅犬都ok
隻狗服從性幾高
對主人十分忠心
不過熱情+沖良甩毛
其實你家人驚D狗咬姐
呢兩種一定唔咬lo
不過你一定揀D皮器好D既狗