✔ 最佳答案
睇了你的問題唔知道是好嬲定好笑
其實任何年齡的女士都有可能生出唐氏綜合症的bb﹐只在於個機會率有幾高﹐六合彩都不是沒有人中的
廿一歲﹐如果你屋企無人是唐氏綜合症/畸胎﹐咁醫學上其實真的不是太擔心
但如果你不放心﹐又或者拗唔過你媽媽﹐點都好﹐你呢個周數﹐岩岩好﹐建議你去做個一站式的唐氏綜合症檢查﹐呢度很多人都提過了的 OSCAR (one-stop clinic for assessment of risk) ﹐會一次過的幫你照超聲波度你bb的頸皮﹐同埋抽你的血化驗當中二至三隻荷爾蒙/化學物質的含量﹐之後可以計出你呢一胎有唐氏綜合症的機會率﹐準確度大概是八九成
如果做了 OSCAR 沒有事﹐其實我覺得已經很夠﹐不用因為一個相士的說話再抽羊水/絨毛球的﹐因為兩者都有流產的機會(分別是二百分之一同一百分之一)
如果一旦萬一竟然 OSCAR 的結果有問題﹐你可以選擇做抽羊水/絨毛球測試﹐分別是絨毛球可以早過十四周做﹐但抽羊水便要等到十四周後;而兩者都是十分準確(絨毛球是 99% ﹐羊水是 100%)
做完這個﹐如果一旦萬一竟然真的有事﹐我都會建議你唔要個bb﹐唐氏綜合症不是一個蠢仔咁簡單﹐你會害左佢﹐同你﹐同你的屋企人﹐一世
(如果你一開始諗住點都會生佢出黎﹐咁就甚麼都不用做了﹐連 OSCAR 都不用做)
做完了沒有事的話﹐請幫忙拆了果個相士的招牌