✔ 最佳答案
你的問題回答如下 :
1. 大至上差不多, 如果醫生話佢太瘦, 除咗加多啲狗糧, 你可以加狗罐頭撈狗糧俾佢食.
2. 佢出緊牙, 咬嘢係正常0既, 你買啲狗骨頭俾佢咬啦. 佢下次再咬你唔想佢咬0既嘢時, 你可以捉住佢, 輕輕力掌佢個咀同彈吓佢個鼻仔, 然然用好認真(唔好太大聲, 會嚇親佢)的語氣同佢講 : No / 唔好, 佢慢慢就會知道咁做唔啱架啦! 如果呢個方法唔得, 仲有一個辦法, 你滴啲白花油或驅風油去你唔想佢咬嗰啲嘢度, 狗狗好怕呢陣味, 聞到都會彈開, 唔會再咬架啦.
3. 去廁所唔係一兩次就教得識, 俾啲耐性, 慢慢教啦; BB狗一日去好次toilet, 你可以每隔半小時或一小時就帶佢去一次, 去得多, 佢自然記得應該係邊度疴啦.
4. 佢可能係驚或反抗, 聽啲吠聲應該分得出, 如果係驚而吠, 就要安慰吓佢; 如果因反抗而吠, 就要掌咀, 要令佢明白你至係主人, 如果你縱容佢, 第日佢會食住你架.
5. Hills唔好, 如果你想轉狗糧, 我有以下幾隻好介紹 :
A. Yarrah, 荷蘭製造. 呢隻係天然糧, 100% organic food, 冇鹽, 冇味精, 冇防腐劑, 可以好放心俾狗狗食, 我個寶貝女而家都食緊. 呢隻牌子喺歐洲方面好hit, 但香港人可能對佢比較陌生, 可能因為冇乜做宣傳兼價錢較貴(2 kg賣$130)0既關係啦, 而且唔係度度有得賣, 你可以上呢個網址訂購 :
http://www.petshk.com/sub.php?list=1
B. Canidae, 美國製造. 呢隻都係天然糧, 但唔係100% organic, 我個寶貝女未食Yarrah前, 就係食呢個牌子, 5 lb賣$105, 如果你覺得Yarrah太貴, 可以買呢隻牌子吖, 佢0既價錢比較大眾化. 呢隻狗糧亦唔係度度有得賣, 上面個網址有得訂購.
C. Timberwolf, 美國製造. 呢隻亦係100% organic 0既天然糧, 但價錢比Yarrah再貴少少, 4 lb賣$124, 亦唔係度度有得賣, 你可以上呢個網址訂購 :
http://www.foreverpets.hk/index.php?main_page=index&cPath=64_74_177&zenid=657614b6bcca81a7cd23ba1e5396f7e1
6. 如果獸醫話你隻狗狗瘦的話, 你不妨改為一日四餐(每餐減少少份量), 每4-5鐘一餐, 再加少少有益的狗零食, 體重應該會增加得快啲架. 到佢4-5個月大, 就可以減為每日兩餐啦.
希望以上的資料幫到你啦.
