相機出入冷氣地方會唔會發霉

呢個問題, 早前都同網友傾過...
解決方法, 一係出入冷氣地方果陣, 放部機入相機袋....
等到個袋同室溫差唔多果陣至打開佢, 咁就少o的機會有霧氣....

但如果唔等得, 咁可以用暖蛋果類發熱袋, 放埋入相機袋裡面, 熱住部相機, 等佢唔好同室外溫差太大....

你會話, 家陣夏天, 點會有得賣暖蛋?
無錯, 其實都好難搵, 但, 扁扁俾我搵到....
就係你估都估唔到的.... 卓悅化妝品專門店....
前排買過, $18/10包, 每包用8hrs...

不過, 佢都幾熱o架, 有成四十幾度, 所以, 用之前, 最好搵野包一包佢, 先至放入相機袋... 同埋, 唔好放咁埋部相機....

用風筒係可以, 但, 霧氣係由凍地方(室內)出去熱地方(室外)至會有... 咁你o向室外去邊度搵風筒呀? 如果真係有, 咁你主要係吹鏡身, 鏡片受熱太多怕對 coating 有問題.... 其次係相機裡面有鏡面的地方.... 至於鏡身都要, 因為裡面都有鏡片, 都要熱返佢, 等佢唔會有水氣凝結...

至於 filter, 只係多一塊鏡片在外, 但水氣係可以o向鏡頭側邊伸縮位置入去裡面, 所以filter 阻止唔到水氣入去...

答得好好,不過室外入室內都有問題的,如果你去冰天雪天的地方.

一冷一熱，相機內空氣的水份就會析出來，附在鏡頭面。有水就替細菌製造繁殖機會，通常鏡片是由特製膠水黐合，細菌就利用這些膠水作為培養基，所以鏡頭唔發霉都幾難！防止方法是當發現水點，即用風筒熱風吹乾。