中央冷氣糸統的風櫃和鮮風櫃有什么不同?

1.中央冷氣糸統的風櫃和鮮風櫃有什么不同 ?

普遍o既風櫃，即Air-Handling Unit(AHU)係用o黎將室內o既空氣循環，並且將其同鮮風(街外o既新鮮空氣)混合，再經過「冷盤管」(Cooling Coil) /「熱盤管」(Heating Coil)o既降/升溫之後，經「風喉」(Air Duct)輸送到需要「空氣調節」(Air-conditioning)o既空間。風櫃另外一個功能就係當室內空氣被抽返入其中o既時候，會因應預先制定o既方案，將適當比例o既「回風空氣」(Return Air)吹出建築物。

鮮風櫃，即Fresh Air Unit(FAU)，係用o黎將街外o既新鮮空氣當中o既麈埃隔除，避免因為麈埃依附o係送風風扇同冷/熱盤管上面，影響制冷/升溫效能。被隔除麈埃o既新鮮空氣會用風喉送到普遍o既風櫃，從而進行空氣調節o既目的。至於用邊一類o既「濾網」(Filter)、「濾網效能」(Efficiency)就要因應空氣調節場所o既「用途」而定。

2.甚麼情況裝風櫃 ,甚麼 情況裝鮮風櫃 ?

基本上，用得中央冷氣糸統就會有「風櫃」同「鮮風櫃」，咁係因為美國空調學會「ASHREA」出o既指引要求建築物裏面o係一個鐘頭內有5個「空氣交換」，即係要將空間裏面o既空氣o係一個鐘內「完全」換走5次，以確保空氣裏面o既含氧量、二氧化碳同其他氣體o既濃度唔會對人體構成傷害。不過，有一種叫「Unitary Pakaged Unit」就直接o係「混風箱」(Mixing Chamber)度做埋「空氣調節」、「抽鮮風」、「排氣」同「空氣混合」。

一般小型的商舖，例如只有一個風櫃就唔會有先風系統，不過如果係飲食業就唔可以，因為係比較人多仲係發牌條例，又係法例之一，仲有先風唔一定要先風櫃在風櫃回風位置加先風喉就可以，當然要隔塵網啦仲會安裝風量控制，廚房就一定要安裝先風，抽氣當然會有但要配合先風系統.

風柜=AHU=AIR HANDLEING UNIT
鮮風柜=FRESH AIR UNIT/PRE -COOL AIR HANDLEING UNIT.