我隻龜唔知做咩呀????

同意上面果個人講,因為你話買番黎果隻龜龜係新,所以佢地係要有時間適應期,我記得我隻龜果時都要成兩個星期至一個星期左右先好似好d...大約啦...唔係好記得~不過總之新手買左隻龜返黎總之第一件事意識到唔好用水喉水比隻小龜用(呢個問題我發覺好多新人會犯,連我自己之前死左兩隻龜龜先知),因為有氯氣~氯氣會令到龜會有白點病,白點病初期係會唔打開眼,通常唔知一直用水喉水養龜既人,買龜到死龜大約係一個月...初期唔打開眼到後期係唔食野....如果係白點病你可以去買支龜精靈跟住用,水簇店有賣~
係咩問題你自己要研究下....但係買新龜要注意,你選龜時咩都好,點都要睇到佢眼仔碌碌好精靈又爬來爬去先好買,因為d店隨便對龜,你又唔知d龜用既野好唔好等等~
我覺得你要觀察下先~唔好甘心急住~

2007-07-17 17:44:20 補充：
第二個哥仔講既野好老實我覺佢有d野唔岩....因為佢好似無留意到話你買既係新龜,馬上放陰涼地方都岩既,但係你千祈唔好放冷氣房,放都要用毛巾包住個缸,我同隻三龜一間房我開冷氣訓,我都用晒紙皮同毛巾包住個膠缸,d隙位佢地抖到氣,但總之唔好比d冷氣佢地,因為佢地會肺炎同以為冬眠會死架~另外比多d水佢浸....你唔好真係比到岩岩買番黎既小小龜成吋水高,要岩岩踫到殼就好~因為水簇店d人話要比佢地吸到氣,我驚你聽到就比成寸水去~第三我就無放鹽水落去啦,不過d論壇話用鹽黎洗缸就聽過因為殺菌....我想你想試最多都係放少少好啦~第四我同意啊~

新買嘅龜龜係咁GA, 佢都未適應環境, 所以多數都唔會食野住, 會成日瞓覺, 唔洗擔心, 遲D就好活潑, 因為最緊要你要令到佢唔驚你, 比佢知道LEE個係佢屋企, 同埋你唔會傷害佢, 佢明白, 就會食野GA LA

我諗佢地該是中暑，因為我隻龜前幾日先中完，好在依家己經無咩事。

你唔應該係ｌｅｅ個太陽咁厲害既時候放隻龜去曬，唔係好易中暑Ge

如果見到佢呼吸困難、流口水、渾身無力、長期躺在石上，就應該中咗招．．．．．

一 ）你馬上放返佢係ｄ陰涼地方．．

二 ）比多ｄ水浸住佢．．

三 ）加半匙鹽落水度，補龜的鹽份

四 ）最後試下放ｄ野比佢食，如果佢肯食即係無野ｌａ，

但如果仲係唔食，你就快ｄ同佢睇醫生ｌａ．．

我諗佢地應該係唔舒服，我隻龜之前都係咁，我就用食鹽開水養住佢地，之後就無事。