✔ 最佳答案
咦．．．？
圖片參考：
http://hk.yimg.com/i/icon/16/43.gif
我反而愈來愈唔清楚喎．．．
圖片參考：
http://hk.yimg.com/i/icon/16/26.gif
所謂底濾，係好似十幾年前o個ｄ，將隔屎板放缸底，上加泥砂，水就砂頂抽入板下，屎就沉入板o既空間。睇返你ｄ舊問題，7/14 你明明話你係用掛濾架喎。而你張相o個個，叫做潛水泵，可以成個放入水，將水抽上去。但抽去邊？一個泵只能造水流，係冇過濾功能架喎．．．
係咪掛缸邊o既一個放生物環o既膠箱（掛濾），定係橫放缸頂o既大箱（頂濾）？
１．如果你加泥，咁個泵頭可以放泥面架嘛！而且呢ｄ泵應該有個架可以加吸盤上去，固定位置架嘛。你黐佢o係邊都得啦。
２．用石（春）？定係用砂呀？
首先，唔好以為黑泥好麻煩，其實佢好好，係新手／貪方便人士首選。其實水草大都係鍾意偏酸水質，又要有野俾根抓實，又要有肥。而黑泥一來顆粒大小適中，可以俾根抓緊，二來會令水質保持穩定o既偏酸 pH 值，三來又肥。
用石唯一好處係極度疏水，疏到根抓唔實，肥留唔住。河砂就介乎中間，如果種椒草，據講用砂種比泥更靚，而由於疏水，連唔可以埋入泥o既鐵皇冠、蕨同水榕類都可以埋入砂。不過冇肥，所以完全要靠你自己加，pH 值亦要你自己控制，咪話唔煩。
2007-07-17 16:40:55 補充：
極度疏水也是唔係好處，我講到佢「疏到根抓唔實，肥留唔住」，我以為你睇得明我講反話添．．．睇過圖，咁樣你呢個收做頂濾啦。但個膠箱有ｄ乜野濾材？我就咁睇，好似只係見到濾棉。白色包住o個舊乜野料呀？另外，水抽上個箱之後，好似滴水咁滴返入大缸，咁樣其實就會令co2 流失加快，而水面打起漣漪，入缸o既光線少左，植物得到o既能量就少左，亦係浪費左一ｄ能源。喂，做乜o係第二個post 叫我做膠手？ :[
