✔ 最佳答案
你隻狗狗得6個月大,最好都係餵番PUPPY狗糧,因為PUPPY狗糧有足夠0既營養俾狗狗發育,唔使特別買D咩鈣片或者美毛油佢食,因為呢D反而會令到狗狗生長得唔好.記住,乾狗糧就已經好夠!!!!6個月大,可以唔使整浸林D乾糧0架喇,俾佢咬下練下牙力同止下牙痕嘛,呢個時期0既狗狗換緊牙0架喇~
如果你驚狗狗淨係食乾糧會悶,平時可以買D狗零食俾佢.濕糧都唔好成日俾佢食喇,為佢好咋~
豬骨,雞骨都千祈唔好俾佢食,尤其是小狗,D雞骨咬爛0左好尖,食0左落去唔消化,分分鐘會整傷佢食道,胃同腸.另外,雞肉撈飯係唔夠營養啦.....始終都係0個句,餵乾糧啦!
你諗下,狗狗0係發育時期得唔到足夠營養,第時大個0左有咩病痛,佢辛苦時,你又辛苦同心疼.
2007-07-17 00:42:11 補充:
P.S. 樓上0個位,你係咪打錯字?你話你都有食狗.....嚇死我喇!
2007-07-17 00:45:03 補充:
P.P.S. 另外係你唔使驚狗狗食乾糧會痴肥,因為到一歲時,你幫佢轉成犬糧,營養成份會調節0左,唔會話咁易食肥狗0既.咁如果你KEEP住成犬都係食D俾小狗發育食0既糧,就梗係會肥啦!