✔ 最佳答案
喂喂喂, 她以前的bf, 成日都性騷擾我和D, 她毫不理會(她是明知)
呢句她係你阿媽, 定係阿k呀?
喂喂喂, 你如果仲讀梗書o既話, 點樣搵千幾二千蚊俾你阿媽呀?
喂喂喂, 你邊度有錢讀呀?
俾唔俾錢, 照唔照顧一個人, 無論果個人對你好, 對你唔好, 你都可以自己決定啦, 因為你連錢都識得搵喇, 都係大人啦, 大人做野, 最緊要係負責任.
講到應唔應該喎, 從法律陣面黎睇, 你鍾意照顧咪照顧囉, 照顧佢同唔照顧佢都無犯法個喎. 不過, 照顧佢, 有証有據咁俾錢佢洗, 可以有個人免稅額喎. 而唔照顧佢呢, 就無左呢個稅務優惠喇.
從倫理層面, 正所謂 父慈子孝, 既然佢都唔慈喇, 你做乜要孝先? 不過, 孔子都話: 處事恭, 執事敬, 與人忠. 雖之夷狄, 不可棄也. 話你唔使孝順佢, 唔使照顧佢, 冇叫你向佢報復呀, 你向佢報復俾人拉左, 唔好話係我教你架.
從心理學o既角度睇, 你阿媽真係令到你有心理困擾啦. 睇下心理醫生啦. 如果心理醫生話, 心理治療幫你唔到, 你就要見精神科醫生架喇. 點解話你有心理困擾, 都係果句, 你識錢你都識搵, 一d可以自己做決定o既問題 (照唔照顧佢好呢?) 你都唔知點處理, 要上網問人, 咁就知道你因為你阿媽, 唔可以做到最適合你o既決定囉.
從公利o既角度, 如果你仲有利用佢o既地方, 咁就要考慮opportunity cost. 如果你唔照顧佢, 令到你唔可以再利用佢, 而呢個損失又大過你照顧佢o既損失, 咁就梗係照顧佢有著數啦. 如果你照顧佢o既損失, 大過你利用佢o既得益, 咁就梗係唔好照顧佢啦.
從人性o既角度出發, 如果你o係街邊見到一d行動唔係好方便o既人, 都會唔開心, 想照顧下佢o既話, 咁樣o既話, o係你屋企咁有個咁o既人, 你仲要日日見住佢, 咁樣咪令到自己日日都唔開心囉, 咁點解唔照顧下佢, 令到自己唔好咁唔開心呢. 如果你係果d, 見到人地行動唔方便, 又冇人照顧 (注意, 俾錢唔等於顧照, 你淨係話你個a&b家姐俾錢你阿媽, 無話過你有任何一個家姐有份照顧過佢, 你無講, 我無理由當佢地有架), 你會好心涼o既話, 咁就梗係咪鬼照顧佢啦, 搵錢達佢, 侮辱佢o既人格啦, 記住係要一張一張銀紙咁達落佢塊面果度, 咁樣會開心d架.
注意, 搵錢達人, 係唔會犯法架~~~ 而家好多香港人, 包括做人老豆老母o既, 做人仔女o既, 做老公o既, 俾軟飯老公食o既, 都好鍾意用錢黎達人架, 呢一招真係好有效架, 好多人因為俾屋企人長期搵錢達佢地, 搞到自己心理唔平衡, 冇腦可能去fing頭, 年輕貌美o既可能會去做雞, 血氣方剛o既去做古惑仔, 做老公果d會去包二奶去叫雞, 波細果d就會去澳門去麻雀館去炒股炒金, 波大果d就會去借大耳窿..... 總之搵錢達人, 係香港最常用又最有效o既精神虐待方法黎架, 建議你試下.
明冇?
2007-07-20 01:25:40 補充:
喂喂喂, 第2位大佬呀, 你點知佢阿媽有冇養佢呀?問問題呢條友, 都無話佢阿媽有養過佢. 問問題呢條友, 讀梗書都可以搵到錢, 仲每個月都俾千幾二千蚊俾佢阿媽, 就知道問問題呢條友唔係正常人啦.
2007-07-20 01:27:59 補充:
細細個讀書都講啦, 「今之孝者, 是謂能養, 至於犬馬, 皆能有養, 不敬, 何以別乎?」就算問問條呢條友個阿媽, 真係有俾錢條友仔洗, 又算唔算養呀? 至於乞衣, 皆能俾錢, 不愛, 何以別乎?
2007-07-20 01:31:42 補充:
佢想唔照顧佢阿媽o既, 都無話會用慕容氏o既物轉星移, 以其彼之道, 還於彼身, 點算以怨報怨呀? 如果佢真係好似佢阿媽咁, 講大話厄我地, 令到我地覺得佢阿媽好衰, 而且仲打佢阿媽o既話, 咁就叫做以怨報怨喇.第2位大老呀, 你係咪患上左思覺失調、精神分裂呀? 咁好幻想力o既?
2007-07-20 01:35:09 補充:
感動佢? 你有冇睇過中國o既歷史呀? 孔子, 孟子, 有冇感動到邊個人呀? 彭德懷點解俾人鬥到死果陣, 連屋企人都睇唔到佢最後一面呀? 王丹、魏京生點解要坐十幾廿年監, 而家連自己屋企都唔可以返呀? 呢d仲唔叫到以德報怨呀? 可以感動到人? 呢d係d低能白痴o既童話故事o既劇情黎咋, 現實生活中, 邊會有d咁o既野呀?
2007-07-20 01:39:34 補充:
如果可以感動到施虐者, 咁就唔使有保護兒童條例啦, 咁社署就教d受虐待o既女人同埋細路幫走啦.你講野之前, 唔該你用下個腦先啦, 唔好用個屎忽諗野好唔好?
2007-07-20 01:41:04 補充:
55歲仲有幾多年命?香港女性o既平均壽命係86歲, 即係仲要俾佢虐待多31年.
2007-07-20 01:42:39 補充:
我唔講得上好叻, 好有經驗, 更加講唔上了解你既感受, 但係以上講既, 都係發自小弟真心, 我真係好想幫到你, anyway, 無論之後件事發展成點, 都希望你可以開開心心咁同你周圍既人相處啦 ^^ 你唔單止講得唔叻, 仲講得好屎添. 唔識就唔好亂講啦, 害死人地架.
2007-07-20 01:43:20 補充:
你呢d咁樣, 咪叫做董建華文化囉, 好心做壞事呀.