請問California Fitness d 教練好不好? Service 好不好?

California Fitness d 教練好不好? 唔可以一竹篙打一船人，不過普遍都唔好。並非話佢地唔識o野或無料，而係話佢地無品，無心機教，整係適坤你俾錢。

一個教練有無料，初學者好難分辨，但係佢教得有無心機就更重要，亦唔難睇得出。

不過，十個中都有一個好，最好係自己留意下佢地教其他會員時，是否認真，留心，helpful。究竟係 <幫會員做 gym>，定係真正 <指導會員學習健身>？前者係無用的，只係想你長期幫趁，長期搵你 d 錢，後者先至係 <教練>，先至真正幫到你。

2007-07-17 17:27:38 補充：
價錢方面因人而異，但係每小時幾百蚊一定就唔甩，都咪話唔貴!

以我所知, 其實C.F入面唔係個個教練都有&quot;私人健身教練牌&quot;, 有啲仲九唔搭八, 有張急救證書都可以響果度做教練...... 不過咁又係, 如果你係口才了得, 可以幫佢sell到嘢, 搵到客仔, C.F邊會理你有咩證書~

其實決定邊個教練前, 你可以睇清楚邊個教練有合資格教練牌, 年資幾耐, 有啲仲攞過奬添! (不過肯定好貴~)

一般情況底下, 其實啲教練都係揼波鐘架喇 (特別係呢間...), 唔係佢點賺多啲, 就算係個教練真係有心教, 公司都唔會咁易俾佢地放過呢啲機會~

一個好o既教練, 佢一定要:
1) 先了解你身體健康狀況 (特別係有咩病痛, 身患)
2) 再作進一步評估 (睇返你身高體重, 脂肪比例)
3) 再了解一下你短/長期o既健身目標
4) 然後俾一份報告(一定要簡單易明, 但係內容詳細) 你睇返, 起碼俾你自己心目中有個概念, 黎緊要做咩運動, 練邊部份肌肉, 運動o既時間同埋強度都要例明~

跟住之後每堂練乜嘢, 起碼自己都唔會盲鐘鐘唔知自己點解要咁做~

但係大前提係, 初初搵健身教練未必學得太多嘢, 學到亦未必會記得曬, 但係起碼佢一定要教到你安全咁去健身(特別係用啞鈴, 槓鈴果陣), 正確o既健身概念, 正確o既姿勢, 正確o既飲食同作息等! 呢啲反而重要過去學一百種唔同o既健身動作~

老實講大部份都係教得麻麻地，一小時入面拉筋都去左15分鐘跟住就一路教一路傾計。但係當然都有好的，我係銅鑼灣跟同一個教練玩 kick fit　已經２年，我覺得佢真係有心教而佢亦唔會浪費你嗰一小時。有時我之後佢冇客佢都會同我再打耐啲。不過價錢就真係貴左啲。