汽車為何要轉波..?

我地要先理解汽車既動力來源:
汽車既動力來自引擎,
唔理行油行電都係有一個部件將能量轉做動能,
呢個力叫扭力.
問題係扭力係會因應轉速而改變,
而低轉速時扭力一般都會十分之低.
所以當慢車時, 如果唔以波箱將扭力轉換為一個合理既轉速,
咁車就唔可以獲得足夠既動力向前行.
相反, 要行高速時, 引擎轉數唔可以無限量咁提升,
咁就要靠一個比較細既比例去將引擎既扭力配合車速.
返去你既問題:
1. 當初所有車都用棍波, 當然因為懶, 同埋女性對好鬼重既極力子既問題, 所以就催生自動波既出現. 自動波當初被認為會用多O的油, 反應慢, 所以未有完全代替棍波. 而混波亦被好多人視為駕車其中一種樂趣, 所以現今好多車都有棍波同自動波版.
2. 上便講左, 引擎轉數係有限既, 咁以一個減速比既將引擎扭力轉化時, 如果唔加多幾個比例就會令車唔可以配合唔同路面情況好似上落斜咁. 而且亦可以將車既速度提升.
3. 咪即係第二條問題囉... 轉波其實係將引擎既減速比例改變, 於是同一個轉數就可以出現唔同車速, 而加速力亦可以改變, 用黎配合唔同場合.
4. 可以. 不過一個波會令到車速受限, 當一般私家車1000轉一波可以以10Km/h行, 一般私家車引擎轉數大約6000, 咁架車既極速只有60Km/h, 但係以波段改變減速比, 咁於6000轉時, 速度就可以由60km/h升到180km/h, 但係引擎轉數一樣.
咁你會問用高速既咪ok囉, 1000轉時行到30km/h添~
但係引擎於1000轉時, 扭力好低, 唔足以將車以30km/h推,
所以就要轉返去低波....
所以就產生波段勒.

但是為何汽車要分為自動波以及棍波...?

答 ) 因為貪方便, 普及性, 和因為科技進步所以有自動波出現.


以及為何要轉波...?

答 ) 因為現時大部份 ( 主流 ) 汽車係用引擎推動, 而引擎中, 轉速與扭力係有相關係. 例如某某低轉速之下沒有太高扭力. 波箱o既出現係平衡引擎之不足處. 事實上某些發動模式係不存在轉數與扭力問題, 例如電摩打.


轉波的功用的什麼?

答 ) 轉波作用在於引擎低轉時, 可以用低波段起步/加速補償扭力不足, 亦可於過高轉數時用高一個波段, 使引擎在一個正常運作之轉數區域下運作.


一輛車只有一波又可行嗎?

答) 如前所講, 係可以o既, 如果用電摩打行, 係得o既. 不過如果係用引擎作發動, 咁樣設計就唔恰當.

你好 ,

‧首先 , 所謂自動波及棍波 , 都須要靠離合器作媒介來提升車速或減速。
‧波箱的高、低檔 , 就是藉著離合器來幫它升檔或降檔。
‧為何轉波? 可以提升車速、減低引導的負荷、從而節省燃油。
‧轉波的功用? 上大斜路用低檔會更有效率 , 落大斜路用低檔會更安全 , 走大直路用高檔會更快速。
‧衹有一波當然可行 , 你玩既KART仔也是一波走天涯 , 衹要控制油門腳踏深淺來加速。缺點是極速不會太高 , 極速衹會於引擎高轉時產生。
‧簡單一點 , 黃金寶架單車也是同樣轉波原理 , 上大斜路衹會用低波---省力 , 走大直路跑極速當然要用高波---省力。

謝謝

如果可以放低性別歧視, 呢個會係一個好答案
我身邊好多女性親友都揸棍波, 亦有好多男性朋友唔識揸棍波