好辛苦...

要留住異性只可用"吸引"而不可用"挽留"既方法,
意思係一個充滿自信,對將來有憧憬既人至可以帶比對方幸福同希望,
而對方還會否願意像當初般,接受你所給予既幸福,就要睇緣份啦~~

重新振作,展示自己最有自信既一面,總比無嚟心機,苦苦哀求更有效.
最終成功與否,留下既都會係彼此間既美好印象吖

2007-07-16 14:33:51 補充：
相信你女友係一個有要求既人,咁,你就更加要做到有自信有魅力既男人啦,(尤其可以令佢喺朋友/家人面前感到拖住你係一種光榮同幸福,皆因女人大多數鍾意哂幸福),而佢d朋友/家人讚你一句,總比你講十句有效啊~~女人係感性既動物,只要觸動倒佢令佢開心同有安全感就唔會離開你架啦,

2007-07-17 13:37:27 補充：
最後建議:1. 出外旅行,遠離煩悶既生活2. 做義工,放眼於比自己更不幸既人,你就會明白自己有多幸福3. 站於鏡前挺著胸展示自信的樣子,對自己說加油!!!(每兩小時1次,每日起碼5次)

意思係一個充滿自信,對將來有憧憬既人至可以帶比對方幸福同希望



而對方還會否願意像當初般,接受你所給予既幸福,就要睇緣份

我覺得你地同我既情況好似....
我係一個好易唔開心既人....我男朋友又理性又粗心...
浪漫既野...佢比唔到我...
我心裡諗既佢根本唔知...
同佢一起好似咩都要講比佢知咁...
好似係教人去拍拖咁...
同佢拍拖咁耐....我4日喊3日...
好多人都話我地唔夾....
我講分手既次數...可以話巳經數唔清...
但係佢同我拍拖....朋友都見到佢為我改變左...
我講分手......都唔係因為唔愛佢...
只係覺得拍拖唔係要好開心咩?
做咩要搞到大家咁唔開心呢?
所以好易就講分手...
我都覺得最理解我既反而係追我既人....
但你要知道...拍拖係2個人既是....
唔係你話好愛好愛佢就要迫佢同你一起洛去...
你比佢冷靜下..
大家唔搵大家...
如果佢真係愛你.....掛住你...
點可以唔搵返你呢?
相愛既就要為大家改變...
如果你迫佢同你一起....大家都會唔開心....
try 下比1個星期對方....
真愛唔會咁易就冇左...

希望你地幸福啦...

你找人同你講下啦唔會咁辛苦的
可以add我的:[email protected]

身為人地女朋友既我, 好理解你的苦況, 亦明白你女友的感受。
女仔往往好想男友明白自己, 最好就做到好似自己肚裡面條虫一樣, 唔駛講出口, 男友已經知我想點。有種同感一靈的感覺就好啦。
相信你女友投訴過你好多次, 你不了解佢, 就算你已經改善, 有進步, 佢都唔滿意。或許你真的未盡全力去改, 或許是她的要求又再高了一點。

坦白講, 原來有些男女朋友之間的問題, 無論女仔點講, 點投訴, 點形容, 甚至講過十萬八千次, 做男朋友的都未必完全明白女友究竟想要什麼。
做男友的, 已經好努力去迎合女友的要求, 盡力遷就, 做到女友想點就點, 但始終女友都覺得不滿足。

我有個小小的分享, 本人和男友會在明年結婚, 所以現在正上婚前輔導。經過輔導者的幫助下, 我發現原來男友在大家相處上有好多委屈的地方, 原來佢唔明我想要咩, 但就唯有一味遷就, 我想他主動同我分享他日常大小事, 而唔係下下我問佢, 佢先講, 但我男友完全唔明白點解要咁做, 佢就只好符合我要求去做, 但就係唔理解。 在輔導過程中, 我講出男女朋友主動分享, 係因為我覺得大家關係會變得更親密。 我男友才恍然大悟, 終於明白我為何有這個要求。而現在他願意分享, 不是為了迎合我的要求, 而係佢都認同咁樣做係有需要。

你和女友需要的, 是好好的溝通, 不要怕煩, 不要覺得同女友傾計浪費時間。如果你真心愛她, 她會知道的。男女相處是一門學問, 不要輕言放棄, 遇到問題就努力一起去解決。或許不能立刻有辦法解決, 但不可讓問題越積越大。 跟你女友用心認真的談一談, 給你女友知道你有誠意改善大家的問題, 建議一起去面對解決。 如果自己解決不來, 找家人幫忙, 或者找一些已婚的朋友給予意見。 不要意氣用事。

睇得出你好愛佢，只不過﹕「要來的擋不住，要走的留不了﹗」

其實你話自己為佢而改變，究竟改左咩﹖係咪達到佢既要求﹖有時，為一個人去改，而令自己唔開心，改黎做乜﹗仲有係﹕「江山易改，本性難移」，可能佢會咁諗。你又有無諗下，佢要你改就改，係咪有咁既必要先﹖真係你唔夠好﹖定係佢有第二個﹖我覺得一個人要搵咁多藉口，表示佢已經唔再愛你。勉強無幸福，就算你真係好愛佢咁又點﹖佢呢刻都已經唔愛你，大家拖落去都無意思。最慘既係，你俾佢搞到自己好無自信，點解呢﹖因為佢成日話你唔夾，話你唔明佢感受﹖咁你有無問佢，有無理下你感受﹖我唔係幫你，只係覺得凡事都要兩面睇，唔可以單一面。

當然兩個人相愛既時候就咩缺點都睇唔到，但感情轉淡既時候，啲缺點就會出晒黎，呢個時間就會睇唔順眼對方，邊一方愛得深，容忍度咪高啲囉﹗相反，佢愛得無咁深，佢會覺得好辛苦，因為佢要就你，但事實上可能係你就佢先啱。總之，如果你真係愛佢，你又覺得自己改得好，不如，你同佢定個冷靜期，趁呢個機會，好好咁諗清楚，唔好去搵佢，睇下佢其他人係咪真係好得過你囉﹗呢招係以退為進，講真，如果你因為佢而失去自信，於你都唔係一件好事。如果過左呢段日子，佢真係唔回頭，你都唔使傷心，即係證明佢真係唔愛你，仲留住佢個人做乜﹖正所謂留得住個人都留唔到個心﹗失戀都唔係醜事啫，第一次唔得咪第二次…，無人話一次就得架﹗

或者第時，你睇到呢段，你會覺得好好笑，點解當時咁傻﹗

問你幾條問題啦：
1. 你gf係咪近期開始成日批評你？
2. 佢係咪唔係好想同你有親密接觸？
3. 佢係咪同你一齊已經無以前咁開心？
4. 佢係咪開始同多左朋友出街？
5. 佢係咪多左向你發脾氣？或無理取鬧？
6. 係咪無論你做左幾多野、點就佢，佢都唔滿意？

如果以上的問題，多數答「是」的話，
那麼我可以告訴你，
你gf可能已經不愛你了。

我明白你很心痛的感覺。
坦白地說，
當女仔愛上一個男仔，
即使呢個男仔條件怎樣、對待自己不是太差，都已經很開心了。

現在，已不是你如何挽回這份感情。
而是你應如何接受這段感情將要失去。

甚或，若你和對方都能成熟地處理感情事的話，
便把你的感覺告訴她吧。
看看在她的角度是否已經不能挽回。
若是的話，
就樣這段感情「好來好去」吧。

最重要的是，她仍愛不愛你。

記得看過一篇文章，它寫著：
「分手，不是痛苦的、亦不用悲哀。
因為分手，就是與一個你不愛或她已不愛你的人分開，
那有什麼好傷感呢？」

其實當一個女人可以開始絕情既時候 外人同唔識既人介入
你只會更加唔值得佢要 講真佢對你都心淡左 佢都話連鍾意都冇埋
其他人更加能安慰佢係因為果D人唔係佢男朋友

勉強係冇幸福咖 我諗你呢一刻好清楚
改變如果係有用 一早你應該去做 唔係到左佢唔鍾意你既時候先去做

不如你諗下 你地初初一齊果陣 會做D咩 點解要一齊
回憶一下以前開心果陣係點 你做唔做得返果陣時咁?
兩年感情 講真拍拖拍左兩年 好多野你地都慣左
值得回憶既野可能少左 鬧交可能多左 因為你地已經唔再滿足現在
佢好想你日常對答可以明佢感受???????
呢句我有D睇唔明 你係唔明佢意思?定係成日誤會左佢意思?
不過佢女朋友講得呢句 就証明左佢覺得同你有D代溝
睇黎你地溝通上都有D問題喎....拍拖好講求溝通 希望你諗得通再而改變一下啦
例如佢同佢講D咩令佢覺得你唔明佢感受?

自信呢樣野 過份自信變自大 冇左自信變先卑
係你到自卑之前諗一諗 就算改得唔好唔緊要 最重要既係你有努力過
另一半講既野 就算好閒 可能都會令你好HURT 其實你又有冇諗過
變左果個 可能係佢? 我覺得你冇必要講句如果分手唔再拍拖
我識好多個朋友 由其男性 每次就分手前都講句咁既野
分手後一樣照講 不過事隔一排 新戀情令佢完全忘記舊有話
當然我亦都希望你只係純粹講野唔係真係會做啦
戀愛呢樣野話黎就黎話走就走 係有既時間懂得珍惜
就唔需要係臨別既時間諗方式挽留

你都唔好咁唔開心啦 其實你女朋友應該明你感受
但冇左鍾意既感覺果陣 講真佢未去到好絕咁同你分手
即係重有機既 好好加油啦

女人好鍾意男人咩都就曬佢 GA NA,,
又好鍾意同朋友講佢男友點好點好,,
你只要俾佢睇你有幾好幾好,, 就得 GA NA
你真係唔要擔心!
佢唔同你講分手係因為佢都愛你 GA MA!

你同佢好好傾傾啦，既然以前一齊好快心，依家都可以好快心，你為佢改變，你要講佢聽先得，佢可能真系唔覺，唔好好似我咁呀！！！我愛佢，佢都愛我，但我比唔到幸福佢，只好放手，所以我依家都好幸苦，不過以後佢幸福ge話，我就會開心！！！1

佢想點你就佢,佢想你做咩你都跟佢做等等啦