透氣的疑惑

小朋友，有冇讀過生物？知唔知陸上生物同魚有乜分別？
陸上生物用肺呼吸，魚用鰓。肺係直接吸入空氣，o係肺裏面o既薄膜做氣體交換，氧溶入血，俾陸上生物手。鰓係一大片好多血管o既組織，但係要o係水中進行交換。
你將魚放入個樽度，個樽石有幾大？其實水表面都可以有氧氣溶入水，有波動、浪、水流就更好。但係一個樽口？點做呀？情況就好似我掉你落水，俾條飲管你呼吸，咁樣唔會即死，但吸得好辛苦，又唔夠多。
一個樽七條魚，得少少氧氣，僧多粥少，好快就用完水中氧氣，所以就浮上水面，好似你用飲管咁囉。你加新水，水中含氧量多左ｄ，佢地抖得順條氣一陣，但轉頭又唔夠；加上天氣熱，氣體容易由水中走出空氣中，所以水含氧量低，一晚死一條算少啦！
你買o個7條魚仔之前，有冇諗過正正式式養魚？冇人會用樽養魚架（除非你養鬥魚，因為佢地有特別器官可以直接吸空氣），因為咁樣唔係養，係虐待，ｄ魚根本無空間游！氧氣珠呢ｄ化學野，我極度反對，況且五顏六色，ｄ魚其實唔會鍾意。草要光同co2造氧氣，但係草o既細胞都要用氧氣架！冇光時做唔到氧氣，佢地會同魚搶氧氣，ｄ魚死得更快！
既然買左ｄ魚，請你做個負責任o既主人，買一個九寸又好、一尺又好o既魚缸，最少買一個氣泵，每三日換三份一至一半放左一晚o既水。日日死魚，我相信唔係你想見到o既事。

2007-07-16 13:23:14 補充：
當然，如果你肯買個濾水器，咁就善哉，善哉。

你條魚咁樣好正常。邊有人用樽養魚?你點都俾個缸佢,膠的缸都ok。你去水族館,個到有好

多膠缸你買。買中形的,唔好太細,你買最大的,都唔緊要,不過洗得>.<。十幾元都有一個,可

以唔買玻璃缸,因為容易打破。你再加一個泵,全部東西幾十元都不用。一至三日換一次

水。你覺的d水濁的話,就一兩日換一次,d水乾淨,就三日換一次。之餘,條魚點解條成日走上

來,其實好簡單,因為夏天,就令d氧氣加速從水中走出。咁就無氣俾魚吸。草就一定要有陽

光才可以,你有冇聽過植物天光就吸二氧化碳呼氧氣,天黑就吸氧氣呼二氧化碳,咁你冇陽光

的話佢就呼二氧化碳。氧氣珠太過化學,對魚唔好,會好容易死的。

2007-07-16 15:15:29 補充：
提一提你,d魚經常換水,其實係唔好的。一日換一次就真係唔好的。如果你放多一個過濾器,就更加好啦,可以一星期換一次。我的答案簡單話到你聽點解條魚浮上水面透大氣和改善方法。

魚仔在水面透大氣, 係唔夠空氣,
換水係一個方法, 但無理由成日換架,
養魚一定要比空氣佢地,
買個泵, 買粒氣石,
幾十蚊, 你D魚就唔駛死,
(草或氣珠係治標唔治本)