咩方法殺小強最有效?

而家殺小強已經愈來愈難了,
噴殺蟲劑對人體又有害,
放藥餌都冇乜效,
有 人話見到小強就用有梘性的清潔劑噴佢,
因為小強一沾上梘液就即死,我試過用洗潔精追住隻小強尼噴, 佢真係好快就反肚 !
不過有一個方法仲好過殺, 就係趕 !
在有小強出沒的地方放蒜頭, 原來小強係好怕蒜頭的,
佢地一嗅到蒜頭就會走 !
呢個方法真係掂 !
我在每一個有小強出沒的地方放半個蒜頭,我將個蒜頭用刀界開, 咁樣個蒜頭就出味d,
放左唔夠一個星期, d 小強就唔見晒啦 !
跟住我就每 3 - 4 個月換一次, 咁間屋就冇晒小強啦 !
希望你用呢個方法都得啦 !

2007-07-17 11:42:45 補充：
一個蒜頭有十幾粒, 放半個蒜頭即係放大約 5 - 6 粒, 摺個紙盒仔放上去或者用個網袋袋住

對付小強好簡單架咋,
唔使搵滅虫公司,
你只要買盒甲由藥利(最好用殺他死),
放O係牆角, 唔使一個星期小強就會自動消失架啦,
之後每三至四個月更換一次就得啦!

希望幫到你!