出門註冊問題!

1) 需不需要有伴娘及伴郎?
睇你本身覺得需唔需要有, 有就可以有人照顧你, 有人幫下手咁, 同埋熱鬧d咁
無亦無問題, 仲可以慳返利是添

2) 唔擺酒是否要派餅咭嗎?
要架, 因為係嫁女餅嘛, 坦白講唔派嫁女餅, 會俾人笑架(無法,中國傳統嘛)

3) 本人只著婚紗, 在出門著好還是到步先更換?
呢樣野你要問問兩邊家長, 因為好多人介意架,不過你唔著褂就可能無問題, 我有朋友著褂入門, 佢奶奶唔俾佢係屋企換衫,因為話唔可以紅入白出, 最終要係註冊處換衫,所以最好問清楚屋企人先

4) 需要接新娘及貼對聯嗎?
接新娘呢part要睇你想唔想, 無咩所謂, 又係有就熱鬧d,開心d, 無就簡單d咁
對聯呢part睇你屋企人想點攪

5) 你們有否同我一樣只註冊唔擺酒, 可否分享一下你們的程序, 希望可以詳盡d?
我只不過係註冊同擺酒分開啫, 不過我有朋友都係只註冊唔擺酒, 所以知大概點進行

其實講到尾睇你想點攪既啫, 不過個人認為應該熱鬧咁攪開心d, 即係照兄弟同新郎接新娘,玩完一輪就係女家斟茶,之後就去男家,再之後就去註冊署咁

(1) 是乎自己需要, 但如果你著婚紗註冊, 是不方便拿東西的,
因屆時可能有朋友送賀禮給你們, 最好找位朋友幫手, 補補妝,
拿花球, 賀禮, 拍照等等..., 但她可以不用著伴娘裙, 普通得體衣服便可,
伴郎方面, 著西裝便可
(2) 最好, 只是當作通知各親友你們已經結婚, 而派餅咭亦比較得體
(3) 是乎你的時間是否充裕及往註冊地點之交通方法, 如果你安排到坐
私家車的話, 最好就在家著好出門比較好及安全, 因為當時心情可能
比較緊張, 容易帶漏東西, 而到註冊地點又無須與陌生人分享新娘房
(4) 是乎自己或家長要求
(5) 我本人未婚, 但多次有幸為多位朋友作伴娘或姐妹, 注意要點如下: -
前一天, re-confirm 化妝師, 髮型師, 攝影師, 花球及交通工具, 所有衫,
內衣, 鞋, 首飾有齊, 做修甲, 脫毛, 修眉, 身體磨砂, 面部護理, 預備
落妝用品等, 如須安排各親友之午膳, 就要提早訂位, 預備飲品, 小食
招呼親友, 詢問有關訪客泊車事宜, 安排親友明天代取花球
當天早上敷面膜, 令妝容更貼面, 換衫, 髮型等, 要預充裕時間,
慎防化妝師或髮型師拖慢了時間, 安排朋友要拿的東西, 以免屆時混亂而
遺留, 預備補妝工具, 面油紙, 碎粉, 髮夾之類, 帶外套預寒, 小心冷氣
擕帶給各工作人員之利是, 手提電話號碼以保持聯絡, 安排朋友負責工作,
男的如保安(因大會堂附近有些乞丐徘徊討錢, 要安排專人打發他們)
交通, 拿東西等, 女性朋友就做貼身妹仔, 負責一切有關妝容及首飾之保安
工作, 另外記得指示眾人之午膳地點及安排指定人仕結帳
還有最重要的是你們本人及證婚人之身份證和註冊費, 晚飯結帳之費用
如你們喜歡飲酒的話, 要找位不飲酒的親友照顧自己及代為結帳, 慎防
你們渴醉, 另安排各長輩親友及自己之回家交通安排,
希望幫到你們!
預祝你們新婚快樂, 一切順利!

其實冇話一定o既...

我有朋友做哂過大禮,接新娘,註冊等...有哂伴娘伴郎兄弟姐妹...但係冇擺酒o既...

亦有朋友就咁兩人註冊結婚...和家人食飯...

餅咭問題...我就覺得有就好d...因為都係有限數...比女方家人only...

如果你去到先換...你要預多d時間換衫...

所以只要你和新郎有默契...雙方家人都沒問題就可以了...

http://www.hksune.com/discuz/index.php?fromuid=5