我的小狗後腿行路行不穩..點算?!!!!!!!!!

作為狗狗主人，獸醫費用是不能節省啊！
你應儘快送狗狗到相熟的獸醫求診，讓牠得到應有的治療。牠是有生命的，而且 12 年的感情，不是有很多狗主人可以做得到！

你幫狗狗做按摩，每次當接觸到牠的大腿位置時，牠感到不舒服叫痛，很明顯是牠的腳出現了問題。牠因為覺得痛，所以牠要遷就痛楚而走路。即使大家對狗狗有很多認識的，就算是有經驗的獸醫，總不能單靠觸診來判斷出牠的腳骨是沒有損傷的，我們必須要帶狗狗到獸醫求診，獸醫檢查後，會先建議照 X-Ray 看看牠的腳骨是否出現問題。要肯定腳骨真的完全沒有問題，才可以查看狗狗身体其他各方面是否出現問題。
除了腳骨骨折外，骨裂、骨質退化、肌肉拉傷亦會影響到狗狗走路，再加上狗狗走動或玩耍時，可能會有劇烈的碰撞，隨時會使狗狗受傷，而主人並不能即時可以察覺到呢！有時較輕微的骨折或骨裂，觸診是未必能夠觸摸得到的。

畢竟你的迷你松鼠已經 12 歲了，巳經是一隻踏入老年的狗狗。
你作為一個負責任的狗主人，今後就必須要更多加留意狗狗的狀態，不能再像以住一樣去照顧牠，亦不能要迫使牠做過多劇烈的運動，以免狗狗受傷或感染疾病。狗狗身体各方面機能會漸漸退化，若果有受傷或病痛，牠的復完能力不能像小狗一般迅速。

所以，你儘快送狗狗到獸醫求診，先聽取獸醫的建議才算吧！

2007-07-17 01:09:31 補充：
我有朋友係養迷你松鼠狗的，而我家中以前都有養過迷你種牧羊狗，我們對著牠有 11 年的時間，所以都對養狗有一定的知識。如果獸醫幫狗狗照過 X-Ray 嘅，較為樂觀的情況，獸醫會幫狗狗做一個合適的護托(有點兒類似人類打石膏的情況)，作用是要承托和保護受傷的後腳，除了要防止骨折或骨裂情況繼續惡化，固定受傷的部份外，並要讓受傷的後腳得到復完。若果情況較為嚴重的，有可能需要幫狗狗開刀做矯型手術。(但因為你的狗狗年紀較大，除非狗狗的骨折情況，會引致到嚴重出血或傷口受細菌感染，否則獸醫是不會冒險幫狗狗開刀的。)

2007-07-17 01:09:58 補充：
不過，你亦要有個心理準備，由於你的迷你松鼠嘅年紀較大，復完速度未必可以會像以住後生時一樣，而且傷口愈合不好，是會影響到狗狗將來走路 ka。所以，你帶牠睇獸醫，必須要依足獸醫的護理指示，否則就會好長手尾啊！

我既狗狗都係小型犬種,因為小型犬的手腳會較易骨折所以要特別小心,我既狗狗一個月前唔小心响張椅度跌落地下,當時因為冇人响佢身邊所以唔知佢跌落嚟,後來覺得奇怪佢点解唔肯郁,連俾零食佢都唔係好肯行,後來見佢行得好辛苦咁,隻後腳放唔到落地下行先知佢整親,但模佢隻腳仔同大脾佢都冇叫痛,開頭都以為佢係整親條根.嗰日我地重要係安排好去旅行,狗狗就已經安排好入狗酒店,但臨出門口佢搞成咁,開頭有諗過好唔好照原定計劃,等2日後返嚟先睇吓佢点再算,因為諗住酒店都可以照顧到隻狗狗,但呢個念頭只係一閃而過,我地就決定唔理咁多,一於先帶佢睇醫生再算,後來醫生話佢原來係跌甩咗個大脾較,好彩我地立即帶佢睇醫生,醫生話如果我地真係去完旅行先帶佢睇,咁可能要做手術,因為2日後佢個較位可能已經生實咗,唔可以就咁托番好.當日醫生亦即時幫佢托番個較,咁我隻狗狗已經即刻可以好慢咁行得番,後來我地索性將狗狗留醫2日而冇去到住酒店.
我打咁大段野俾你,係希望你唔好再拖啦,快啲帶佢睇醫生啦,如果冇事既咪當檢查吓身體囉,橫掂狗狗都咁大年紀,如果真係有事既早啲醫好過遲咗要做手術時重貴呀!
希望你隻狗狗冇事啦!!

你可以俾呢隻筋骨補充劑你隻狗食，可以治療佢受左傷既關節或者腳筋，你隻狗狗12歲已經係老狗了，要小心保護佢既腳仔，可瀏覽以下的網頁參考:
http://www.pet28.com/profile.asp?id=18257

我同你一樣我都係養松鼠架...
我隻狗之前都一樣試過無端端隻後腳行得唔係好順暢...
幫佢按摩到大腿果陣就想咬我同叫...
所以我即刻帶佢去睇醫生...
個醫生話隻隻松鼠狗其實都比較易整親手腳（玻璃腳）...
所以要特別小心唔好俾佢哋成日跑嚟跑去亦唔好成日跳高...
而我隻狗就係因為拉傷咗ｄ肌肉而導致發炎, 之後覆咗兩次診就好番啦...
（但係你就要小心...唔係個個醫生都可以信架...因為當時我帶隻狗去屋企附近果間度睇醫生, 點知果個無良醫生話我隻狗對腳斷咗又話要做手術又話要留醫觀察, 我覺得佢好似呃我所以我轉咗第二個醫生睇...）
你可以試吓去我帶我隻狗狗睇開果間呀...都幾出名架...
：徐正雄動物診所
　何文田勝利道11號A地下
　電話　27118023
你去之前記住要打電話預約先呀...

希望你隻狗狗快ｄ好番啦...

我隻狗都9歲,間唔中都會咁,不過是前臂,所以一起身就會叫,不用太擔心,過多一星期就無事,不過如果成兩星期都未好就一定要帶佢去睇醫生呀!