練大隻問題

首先，你重係好後生，發育年齡暫時唔需要追求肌肉，我反而建議你做返普通運動，例如打波，游水，跑步等，能夠增加心肺功能，打好基礎提昇整體健康，亦促進身體發育，都你大定 d (一般超過16歲)，先至再連肌肉都唔遲。

言歸正傳：

1. 只做掌上壓...擴胸器...sit up和引體上升練唔練到大隻呢？

以上運動可以令你粗壯點，出點肌肉線條，不過唔會變得好大隻。如果你真係追求大隻的話，去 gym 做重量訓練至得。

2. 我一日做500sh up 下一日做50下擴胸，梅花間竹甘樣做~ 請問我這個重量訓練適當嗎?

你是指 sit up 還是 push up (掌上壓) 呢？不過無論係邊種，同樣地只可改善線條，令你粗壯點，唔會真係好大隻。

3. 14歲岩唔岩食奶粉呢？
你是指普通奶粉還是健身奶粉？如果指普通奶粉當然可以。如果是健身奶粉則未必有需要，因為健身奶粉係針對健身人士的增肌需要，亦要配合做 gym 或其他劇烈運動至有效果的。但係你唔做重量訓練或其他劇烈運動的話，唔需要考慮健身奶粉了。

4. 我想問我以我e個年齡正常黎講幾耐會有效果呢?
任何人，任何運動都有唔同進程，無話一定幾時得的。不過一般成年人去做 gym，都要幾個月至有少少o野睇，真係要變得大隻的話，無練返幾年係不可能的。