會考完,, 想去澳洲升學,, 該如何做??

等我試下答你既問題啦...

(1) 唔同既foundation 當然有唔同既要求, 但我果間(melbourne uni 既 trinity college) 就要2c3d (唔知而家有冇改到, 我係幾年前讀), 而其他我聽過係 1c4d ...

(2) 我諗每個國家都有好同差既大學, 咁當然好多名牌大學都係美國. 去唔去一個國家應該睇下你要d乜. 例如有冇親戚係果邊, 果度安唔安全, 貴唔貴, 有冇打算畢業後移民去果度等等.... 用我黎做example, 我會考25分, 但我去澳洲係因為經濟原因.

(3) 應該唔會. 因為你要考個英文試 (ITLES or TOFEL), 如果你達到要求, 你之前係用中文讀同英文讀都冇分別.

(4) 商科: (係墨爾本) melbourne uni, monash uni (係雪梨) uni of new south wales, syd uni, macquarie uni

其他學科我就唔太清楚, 因為我係讀商科既. 我未讀過social sci 同 psych, 所以不敢亂給你評價. 不過以上所講既全部都係好既大學. 仲有, queensland university (係queensland) 都好架. 但西岸果邊(e.g. 柏斯) 咁我就唔太清楚.

(5) 唔使. 不過揾屋要大人擔保

(6) 而家澳幣好貴呀...生活費方面, 一定貴過香港. 用mcdonald 為例, 香港一個餐要hk$25, 澳洲要 aud$6 (= hk$40). 又講番我, 我係melbourne, 一個月所有開支(唔包shopping!!!) 要aud1600-2000 啦. 咁柏斯實會平d.

(7) 用手提供應商 "Optus" 就一d都唔貴. 事關佢地有個叫 "yes time" 既 offer. 每晚8至12點期間, 頭20分鐘係免費!! 所以一到20分鐘, 收線再打過, 又會有多20分鐘, 諸如此類. 直到12:00點為止. 但其實用其他電話打都唔貴.

(8) 留意: 其實都冇乜野要留意啦.... 揾 agent 幫你搞, 佢地會提醒你.
支持: 咁出去見識下真係唔同d. 因為佢地讀書既模式都唔同. 仲有, 可以試下自己獨立生活, 學下自己理財(唔係投資果種).

good luck!