✔ 最佳答案
都要睇個女仔對你的興趣大到咩野程度? 如果個女仔已經好仰慕你, 你帶佢去大家樂都無問題, 但如果只係有d興趣, 而你第一次約會帶佢去一個令佢好失望的地方, 佢對你的印象會變差. 例如我見過有女仔以為個男仔平時好風趣, 約會會帶佢去一個令佢有驚喜的地方, 點知又係行下街食下飯, 仲要去睇一場好悶的戲; 又見過有男仔平時衣著全部名牌, 點知食飯左計又計, 睇張menu睇十幾分鐘選最cheap的食物, 第二日個女仔同姊妹們大吐苦水, 話估唔到個男仔係咁.
係呢個情況男仔其實最緊要係形象一致, 如果佢平時俾人個印象本來都係悶或者慳, 個女仔早有心理準備, 反而無事.
2007-07-15 19:18:19 補充:
忘了講遠不遠的問題... 真係要睇那個是什麼地方, 交通如何, 同個女仔本身的個性. 假如你指的地方是要行9個鐘才到的西貢郊區, 或者果洲群島, 應該好多女仔都唔肯去, 未必係因為悶, 而係怕辛苦. 其實, 悶不悶唔係睇個地方, 而係個男仔的表現. 你估去山頂唔悶咩? 嗰度咩都無. 但拍拖的人都鐘意去山頂, 因為二人世界嘛! 如果個男仔唔識哄個女仔, 去卡啦ok都會令佢悶的!