何時何地 才能買到全香港最便宜的樓﹖

你永遠唔會知道幾時買到全香港最平的樓, 即使係疫症襲港或股災, 因為就算係呢啲災難發生咗, 你都唔會知道其後係情況好轉呢, 抑或係繼續惡化呢, 如果係好轉, 咁你買的樓當然係最平啦, 如果係繼續惡化, 咁啲樓價就會繼續跌囉噃, 咁你買的樓當然就唔算最平啦.
仲有, 樓唔係公價貨, 並冇劃一的呎價, 唔同地點, 樓價固然冇得比較平貴, 就算同一座大廈, 樓層高低座向景觀唔同, 呎價都唔同啦, 你根本唔可以以絕對呎價去比較平貴.一個高層單位比一個低20層樓又面壁的單位只係貴咗一萬蚊, 唔通你會買平一萬蚊嗰個單位咩, 係咪?
所以你的問題問何時何地才能買到全香港最便宜的樓, 問題本身係唔科學的. 你只可以問何時何地才能買到全香港最適合你的樓, 我話喺你準備好買樓、又買到你鍾意的、價錢又在你負担範圍內的樓, 就係全香港最適合你的樓.