1.要睇下你有幾多人去,多人去可以拿到好的價錢,不過勸你唔好去個d細公司,無咩保障,除時話要加價要你再俾過錢,我地上次去就在新華旅行團,唔係好大,但又叫有名的旅行社,投訴都好d,我地上次都係自由行,每人連酒店,機場稅一共是2300元一個人,來回機票+4晚酒店,但如果酒店來說,高雄無咩好既酒店,我地上次係去統茂旅館,不過唔係太好,勸你如果可以俾多少少錢去間好d既,雖然好多自由行plan都係有統茂,不過個間真係唔得,唔好去.
2.如果要去鄉下d既地方最好就去台中的阿里山la,睇風景好,仲有日月譚,會比高雄更鄉郊,高雄係唔鄉交架,真係唔提議去,大商場又無,想去shopping買野係無架,想睇風景又唔好睇.想食野又無野好食.
3.高雄都有2個夜市,旅遊成日介紹的是興中夜市,不過好短的一條街,d野食又貴又唔好食,反而我地上次坐的士,司機帶左我地去一個夜市,個度好多野食,d野又平好多,好食好多,你可以去到問下人就知,因為好似得兩個夜市,唔係個個就個個架la,我地上次食得最多是鹽酥雞,真係唔錯,同埋珍珠奶茶都一定要試,同香港的好唔同,如果你話景點就真係無咩特別,都係去下布魯樂谷.
4.平的旅館就統茂la,真係平,不過唔太好,不過不失la.
5. 我地上次係9月中去的,話就話會打風,不過去到陽光普照,其實都好睇你自己的彩數la.
6. 其實建議你如果多人去可以好似我地上次去咁包一部的士一天,我地上次去7個人,包左2部的士,真係好好架,2000元台元包一部,全日去邊都得,計返都係500元港幣,4個人一部車,每人都係125元港幣,同你慳好多時間,我地個次係由早上9點包到晚上12點,直情係抵la,又省時間又不會行錯路,好似有免費導遊咁.上次d司機直情車左我地由高雄去左墾丁玩水上活動,好似去左泰國咁,之後又車左我地去溫泉,又帶我地去騎馬,又介紹我地有咩好食,不妨試下,好過你自己行同自己去搭車,又要等車又要逼人,時間又長.
參考: 自己親身經歷