動物之森 animal crossing!!!!!!! 淋花!

你可以去商店度買花既種子黎種。花既種類大概有4種：玫瑰、鬱金香、大波斯菊同三色堇。你買完之後，係空地度打開自己既袋，然後係花既種子按“plant”，咁就可以種度。而花既顏色方面，除佐本身可以買到既白色、紅色同黃色之外，仲可以靠配種黎變色。配種既方法係將同類既花種係附近，咁會因應唔同既組合既生出唔同顏色既花。

另外，春天開始地上會自己生出白色同黃色既蒲公英，我地唔可以自己種出黎（冇種子賣）。如果對住花按B制放入袋，再將蒲公英放係手度吹氣，ｄ蒲公英會吹開，好得意架。

淋花既話，你只要係商店買佐水壺將裝備係手上，對住花按A制就得。不過Ｄ花枯既時候先一定要淋花。另外，蒲公英、四葉草同樹木唔駛淋水都唔會枯萎架。

仲有一種我地冇得種既植物──四葉草。地上會有ｄ類似四葉草既植物，但有ｄ係假架。你對住ｄ草振Ｂ制摘起佢，如果係四葉草，個人物會好開心咁講話發現四葉草。

王於種樹，如果係普通樹，你要去商店買樹苗，係地上用泥鏟挖個洞，再打開自己既袋，係樹苗度按“plant”佢就會自己種架啦。

而水果樹既種法同普通樹既種法相似，只係樹苗換做水果。但椰子樹就一定要近海先種到。

金錢樹既種法就一定要用金泥鏟黎放錢袋先種到。想要金泥鏟，你先要係商店買兩個普通泥鏟（一日只有一個泥鏟買，所以要分兩日），然後用其中一個泥鏟挖一個洞，再將另一個埋入個洞入面。24小時後先挖返出黎，個泥鏟就會變成金泥鏟架啦。

條村唔係所有地方都種到樹，所以如果你想一定種到某棵樹，你就需要用斧頭（都係係商店買到）砍走原先既樹，再用泥鏟鏟走樹根，然後用平時既方法種就得架啦。通常我第一次種外來既水果樹，會用呢個方法確保可以將水果樹種出黎。

如果你要種花，就要o係奸商度先買左d種子先，通常都係80 bells 一袋，之後o係你想種花既地方開返個「百寶袋」出黎，點種子，再點plant，咁就種左架啦

至於淋花，你要去奸商度買左個水壺先，對住d花就按A制就OK了。不過基本上只要需要淋d謝左既花（即係變左啡色果ｄ），其他既落雨時會自動淋左架啦

如果你要種生果樹(即係外來生果)，建議你斬左原有果棵再o係同一位置度種返，咁就包冇失敗，因為唔係度度都種得樹架。

如果要種其他樹(即非生果樹)，就要o係奸商度買樹苗，或者用金鏟再加bells咁種。