✔ 最佳答案
Q1:我想問....點樣計一部車約行100KM 需要幾多油?
> 入油前先reset mileage表到零位, 然後入滿缸油, 到行左100km之後再去入滿缸油, 睇下張單show出黎你入左幾多公升咪知law~
Q2:新牌仔買二手車..除左要俾車價,仲要俾咩錢?
> 轉名費$1000, 多數都由買車者付(除非賣車者肯俾), 仲有要出保險(新牌出保險都幾煩, 就算出到都要幾千), 如果架車無晒牌費, 就要買牌費喇. 1500cc車, 一年牌費大約$3900. 返左車之後, 去車房check車, 可能要換埋偈油,火咀,波箱油, 迫力油......, 少則幾百, 多則一二千.....
Q3:買保險....最少要買咩保險..同埋又要點計,唔買又得唔得?
> 保險一定要有(第三者保險), 如果唔係架車轉唔到名俾你
Q4:一個月養一部車大約要幾錢(連保險及不連保險價錢)?
> 市區車位一般要二三千蚊一個月, 1500cc車, 油錢就大約$0.9~$1.3一公里, 你渣得多就俾多d, 出街泊車表位$8/hr, 室內車位由$5/hr~$35/hr都有, 唔好唔記得仲有維修費, 偈油每4000km換一次(約$400), 火咀每10000km換一次(約$200), 波箱油每20000km換一次(約$600).....