點解電視台仲唔播「哈利波特3」同埋「哈利波特4」？

大家都知道，每逢戲院有新一輯嘅電影上畫，電視台都會播番同名不過是舊一輯（甚至舊幾輯）嘅電影。例如「蜘蛛俠3」在戲院上畫期間，電視台就立即喺跟住果兩個星期日播「蜘蛛俠1」同埋「蜘蛛俠2」。又例如「keroro軍曹大電影2」在戲院上畫，電視台就事不宜遲立即喺跟住果個星期日（甚至喺中午）播「keroro軍曹大電影1」。
我仲以為這是一個規律。點知「哈利波特5」在戲院嘅上畫就知道唔係。「哈利波特5」在戲院上畫後，直到現在都仲未有任何消息表示電視台將會播「哈利波特3」同埋「哈利波特4」。點解會這樣？電視台究竟發生了甚麼事？

電視台喺新一輯嘅電影在戲院上畫期間播番同名不過是舊一輯（甚至舊幾輯）嘅電影嘅目的無非是為咗乘機刺激收視率而賺錢啫，但係面對著「哈利波特5」在戲院嘅上畫，電視台點解會咁「願意」放棄這個大好嘅機會？抑或真係有些不可告人嘅原因令到電視台唔肯播「哈利波特3」同埋「哈利波特4」？

唔通電視台真係咁蠢？