係咪心病黎?

玩耍感情同真實愛情　唔過一段時候　真係好難分係真係假
但有時候　你唔行出一步　你呢世都唔會知
真心去拍拖既人有幾多個唔驚比人玩？　家人離婚關自己咩事？
佢地唔夾　佢地想分開　先要離婚姐　離婚唔等於佢地係玩　唔等佢地係唔認真
就算一對相愛緊既情侶都可能因為某示因分開
雖然拍拖唔會保障到你可以拍一世　但拍拖時一齊相處同考驗
真係會好難忘　其實我覺得你只係因為驚分手　驚比人玩　搞到連開始都唔敢
放開心情　有時候真係出現左個自己鍾意既　試下拍拖無壞
係好係壞　唔重要　最重要係自己有冇愛過

咁你有冇真係比人玩過？我身旁都有好多人試過本身比人玩，但係因為日久生情，由初初對方一心諗住玩佢，但係到最後對方發掘到佢嘅優點，繼而認真拍拖，到最後仲結埋婚。成功同失敗嘅例子都有好多，但係都只係例子。人生就係咁樣，毎日都有新人、新事，何必只係回顧過去、又或者對未發生嘅事過份疑慮？其實你有咁嘅諗法係因為你太受身邊嘅人同事影響，一套衫著喺人哋身上唔好睇、唔靚，但係可能著喺你身上好靚呢！人哋還人哋，你就係你，唔好將人哋嘅個案套落自己身上，毎個人嘅際遇都唔同，你永遠唔去試，就係你嘅損失，如果你肯放胆一試，當中你可能會有好多得著，我自己就係一個活生生嘅例子，我今年廿八歲，我由十三歲就開始拍拖，次數多到數唔到，有試過玩人，亦都試過比人玩，到而家哩個老公，都唔記得係我第幾個男朋友，大家當初都係諗住玩玩吓，但係相處耐咗就發現大家都喜歡對方，拍咗拖四年就結婚，而家個小友己經三歲啦。唔好比你嘅人生白白咁過，屢戰屢敗、屢敗屢戰啦！

休息一段日子先唔好拍拖住
or go see 心理醫生