化妝基本問題

不如俾晒成個護膚+化妝既步驟你喇

1 - 洗面
2 - 磨砂 ( 一個星期平常一次至兩次，敏感性皮膚兩星期一次較好 )
3 - 面膜 ( 至少兩星期一次，最好一星期兩次 )
4 - 爽膚水
5 - 面霜，眼霜 ( 乳液狀為最佳 )
6 - 防晒霜 ( 乳液狀及透明為最佳 個人推介: RVB # 8401)
7 - 化妝底霜 ( 乳液狀及透明為最佳 個人推介: Bobbi Brown)

A) 8 - 粉底液 ( 濕粉 個人推介: Bobbi Brown / RMK)
9 - 遮瑕膏 / 遮瑕霜 / 遮瑕粉 (個人推介: Bobbi Brown / Make Up Forever )

B) 8 - 遮瑕膏 / 遮瑕霜 / 遮瑕粉(個人推介: Bobbi Brown )
9 - 乾粉 / 乾濕兩用粉 ( 粉餅 )

10 - 碎粉 ( 蜜粉 個人推介: Bobbi Brown / Make Up Forever)

PS*
個人建議護膚用歐洲品牌最好，如瑞士及法國。

6 - 防晒霜可以選用 RVB 既 防晒隔熱霜 ( 編號 *8401 )
感覺薄及透明色並可以用於全身及面部，是個人之推介，為美容院品牌，可以留意美容院是否有其產品或海報而進入查詢。

8/9 - 濕粉效果較自然貼伏，用化妝Puff最易掌握及平滑，亦不會過厚。

化妝品用Bobbi Brown會較好~因為色較多唔會跳色跳得太多~所以唔需要買深淺各一隻做較色既工作~同埋可以同一隻色配返~唔會唔同色~佢既遮瑕膏亦都唔會偏紅~因為我見到好多人隻眼都好似敏感咁紅左~

化妝係一門手藝，你要慢慢試，開頭一定係會厚DD~慢慢熟習就得嫁喇~

hello, 我係亞紫，係zing the make up school讀高級專業化妝課程。

先答左你關於防晒和碎粉的問題先。
1、防晒
現時已經有含防晒度數的濕粉和乾粉，不過SPF會比較低，如果你唔係長期留在室外的，用果D已經OK啦。如果你需要長時間留係戶外玩，其實就最好唔好用濕粉啦，直接搽完防晒後掃D乾粉上塊面就得了。因為夏天的妝容已經以薄透為主，如果又防晒、又濕粉和乾粉，會好厚，而且依家咁熱，一陣就溶晒了。所以，建議你搽完防晒後，用遮瑕膏遮左D黑眼圈和紅印，然後直接印乾粉，就OK了。

2、蜜粉和乾粉
蜜粉其實即係碎粉，只係各地的叫法唔同，粉餅就係將碎粉壓成一塊餅狀的乾粉。不過，第一次上的乾粉，建議你用碎粉，粉餅只適合出外補妝用。

至於化妝的步驟呢，以下係一個化全妝的程序，你可以根據自己的需要揀來化。

(1) 徹底清潔面部，包括骯髒的塵埃、汗水、油份、太陽油、化妝品等
原因︰為保濕作好準備，讓護膚品更易吸收，提昇皮膚狀態
方法︰如果太髒，可以先用洗面產品清洗，然後用棉花拍上含有水份的化妝水
產品︰Bioderma 的Sebium H2O (比較清爽，適合混合性或油性皮膚)
(2) 滋潤面部皮膚
原因︰提昇皮膚狀態，使妝容更持久，不容易出現出油和浮粉的情況
方法︰將保濕產品放於掌心，然後塗抹於面部，直至完全吸收為止
如果皮膚很乾燥，可以厚厚地敷上一層，等待皮膚吸收，不用抹去多餘的
產品︰Nars 的 Aqual gel
(3) 塗抹濕粉
原因︰初步平衡皮膚的顏色
方法︰將一瓶較深色的濕粉與較淺色的濕粉與掌心混合，調較至最接近你的皮膚顏色
先用手指塗抹在較乾燥的位置上，再用海棉印勻
不要以為用較淺色就會使自己的皮膚白一點，因為你頸部的皮膚會出賣你
也不要用太深色的濕粉去遮蓋紅印，因那是遮瑕膏的工作
產品︰NARS, Armani,
(4) 遮瑕
原因︰修飾不均勻的皮膚顏色，遮蓋瑕疵
方法︰用手指或遮瑕掃將遮瑕膏印在有需要的部位
遮蓋黑眼圈的話，要用偏橙色的遮瑕膏，先掃在最深色的部位，然後印上眼頭和眼尾的部位，以貼近膚色為標準
產品︰Nars, cover mark, Dior
(5) 上碎乾粉
原因︰固定妝容，更持久
方法︰用碎粉掃蘸上碎粉，均勻地掃於面部，這個方法較自然
或用粉撲印碎粉，然後拍於面部，這個方法則使粉較厚
必須用手確定面部乾爽，再上其他化妝品
產品︰Laura Mier(透明粉), Nars, Armani
(6) 畫眉
原因︰令眼部看上去更有神，初步勾畫眼部輪廓
方法︰ 眉粉或眉筆均可
產品︰眉粉Cle de pau, Bobbi brown, Mac, or Nars (blondi)﹔眉筆 Armani, Shu emura
(7) 眼影
原因︰令雙眼大而有神
方法︰用手指或眼影掃上
產品︰eye shadow - Nars; 眼影掃 - KP
(8) 眼線
方法︰眼線筆(最容易控制)、眼線膏、眼線液(最難控制)
產品︰Nars, bobbi brown, Mac, make up forever
(9) 睫毛液
方法︰先用睫毛夾令睫毛翹起
再塗上睫毛膏
產品︰HR (持久，不脫色，但很難清潔，必須同時購買HR的落睫毛膏的清潔液)
* 睫毛base的功能係保護睫毛，有些更有增長的功效，通常係無顏色的﹔而睫毛膏則有分不同的顏色及功效，例如更捲曲、更長、更濃密等。
(10) 嘴
方法︰如果想顏色實D，可用唇膏﹔如果想自然D，可以單用唇彩
產品︰Nars, Make up forever, Lancome
(11) 胭脂
原因︰令自己看上去較精神，面色較佳
方法︰用胭脂掃上在蘋果位
產品︰胭脂 - Benefit(粉橙、粉紅)最自然, Nars, Dior﹔化妝掃 - KP

如果你普通出街，唔想給人知道自己化了妝，可以只跟(1)-(5)來做。開始的時候會有手忙腳亂的情況，不過唔緊要架，多練習啦，功多自然藝熟^^