洗冷氣機一問(5分)

咁你部機係「窗口機」定係「分體機」??

基本上，只有「分體機」先會有機會漏雪種，如果「分體機」要洗機的話會好貴，不如買過部(當然，我係環保人仕，所以我支持洗機)。咁係因為洗親機都要成部機拆出o黎，由於「分體機」個壓縮機同「冷盤管」(屋內)係分開o既，所以洗完之後要重新抽真空、試漏、入雪種，因此會好貴。

「窗口機」都係一樣，不過就唔駛再入雪種(不過記住叫o的工程佬小心搬，唔係會漏ga)。

冷氣機o既「機齡」同製冷o既關係唔係在於雪種，係在於「壓縮機」。如果個壓縮機有問題，即使冇漏雪種都做唔到製冷效果。

如果問洗一次要幾錢，我只係知「窗口機」個價，大約係$300，入埋雪種加多$200~$300左右。「分體機」個價就真係唔知，但係重裝o既人工就大約成$1000，好好考慮啦~

洗完/入完雪種之後，基本上都係聽天由命，睇下你部機個「壓縮機」仲有幾耐命用。不過，用到10年已經好唔錯ga啦。

１０年機齡又唔够凍，洗完都未必可以用好耐，而且就算洗番可以用都晒電費，建議買部新機，可以省郤洗冷氣機既錢同埋慳Ｄ電費．