✔ 最佳答案
戴con好唔舒服原因有好多,例如:
1.反轉左:要用食指在另一隻手手心揩乾先,再把con放在乾o既食指上,看看con邊彎曲的方向自唔自然,睇con邊啦,反入抑或反出易睇D,好似個碗咁冇反出先係正面。
2.眼乾症:唔係咩大病,只係夏天度度都係冷氣,眼會易乾d,或唔夠訓,眼水會少,隻con得唔到滋潤,會硬左d,好"銀"眼,滴隱形眼鏡佩戴者專用的眼藥水(e.g.CIBA VISION優樂配獨立支裝眼藥水<--好方便,又衞生),情況會改善,否則都係唔戴幾日穩陣d。
3.質素問題:其實1day質素比其他1week、1month、長戴鏡等都差d,原因係佢太薄,損壞率亦高d,有d根本一出廠就有問題。我試過同一隻眼,開兩隻新con,兩隻都係"銀"眼,即刻俾我丟左,第三隻先冇事。靈魂之窗好重要,唔講得笑,我亦試過隻con"銀"眼,我唔捨得即時丟,忍痛戴落去,結果隻眼紅左成個禮拜,自此以後,我就好捨得丟左d壞con。