長隆水上樂園內有冇地方食嘢！

13號啱啱返嚟
園入面有野食,唔係太貴,十蚊三串串燒,廿蚊一個炒烏冬,六蚊一枝橙汁,可以自己帶嘢食入去,冇人會理,但個locker 位都幾熱,由locker行返入去都要5分鐘

要玩哂所有野5,6個鐘都ok,我果日2點去到7點走左,一個合家歡滑道冇開,冇租水泡漂吓漂吓,5,6點人開始走,唔係好使排隊

一日要去哂動物園,有d趕:建議朝早去動物園(開放時間:9:30-6:00),3個鐘可以行完,跟住去水上樂園(開到8點)

兩地方都應該近,有巴士到,我係由長隆酒店出發去兩個地方,兩地車程唔使5分鐘.

自己去都得,好方便!

樂園有四圍都有野飲賣, 6至10 人仔一支(500ml).
飯餐就30 至 40人仔一份.
係唔可以自己帶野入去食.

要玩哂所有設施，又需要五個鐘啦, 計埋排隊同埋唔食飯.

動物園係五點就會關門, 不如你去朝早去動物園, 下午先去玩水啦.
水上樂園,動物園, 歡樂世界, 長隆酒店都係同一個叫"長隆度假區"入面, 有人仔2蚊巴士接駁整個區. 交通都方便.

至於, 自己去好d定跟團好d, 視乎你想唔想用腦囉, 跟團唔使, 自己去要, 但會自由好多.

如果你會去玩多幾個景點, 記得去到景點入口度買套票, 係平過你係中旅社逐張買好多ga.