相思雀BB點養?

佢大約1-2個鐘食一次 或者睇下佢有冇張大口啦~
你可以留意下, 佢食飽時,條頸右邊(佢既右邊)會有舊野突起, 果個應該係胃黎架, 果個位d皮好薄, 會見到血管, 仲見到佢飼料既顏色! 可以用黎衡量佢係咪食飽, 脹起即係飽,唔脹起就肚餓!!

佢未洗沖涼住架, 到左2個月大, 你比兜水佢, 佢會自己沖架,會係水度拍翼, fing到全身濕晒, 不過沖完一定要搵風筒幫佢吹乾, 唔係就會冷親架, 但唔好咁近吹呀, 要吹下停下咁~
如果間屋開冷氣, 我建議你擺去廁所,, 呢d地方冇冷氣嘛, 記住搵毛巾蓋住個籠, 會暖d呀!! 佢地冷親時, d便便會係水黎架~

你係咪餵佢食相思粉溝水架?? 個"兜"要每日洗呀, 即係食晒d飼料要洗乾淨先再整新果d, 同埋唔可以隔夜, 因為溝左水會好快變壞架, 每次餵佢食之前聞下,如果變左味就唔好要喇!!

如果仲有d咩養雀問題, 歡迎問我架~

我爸之前養過,其實食幾多睇隻雀bb可以食幾多
多數佢飽時就算拎d 糧比佢, 佢都唔會張嘴食gala

沖涼呢樣應該唔駛住, 等佢大少少, 放一杯仔水比佢, 佢就會自己識得碌入去沖