香港駕駛學院,觀塘駕駛學院同李健有咩分別

我之前初初都係喺X健學, X健平啲, 話一個師傅(本人學過就間唔中走另一個出來頂),
兩個都教得唔好, 佢心情唔好更要你受佢氣.

之後肥咗再去駕駛學院就知道之前X健嗰兩個係無能.

所以除非你識得好師傅, 或有人介紹給你, 否則就要三思喺唔喺X健或者出面再學, 或祝自己好運撞到好師傅

你對機械或楂車無認識就更加唔好喺x健學, 因為以我嘅經驗, 佢連我有無機械常識都未知(好彩我有), 就叫我自己嚟, 就算你話無, 我都無信心佢會好心機教到你掂.

駕駛學院比較貴, 但通常都教得好啲, 合格機會高啲, 雖然次次唔同師傅, 但其實唔同師傅有唔同的意見, 可能比一個師傅更好

佢嘅教學角度係比較會將你由基本教起

個人覺得與其要撞彩, 不如揾啲可靠的搞掂咗佢就算啦,

不過無論點都好, 都應該喺出面考咗筆試先, 再報學院, 唔使上駕駛學院嗰啲筆試堂先去考咁無謂

話妳知, 三間都唔係政府開o既 !
不過香港駕駛學院係全港首家獲政府認可之駕駛訓練學校
係由港通(控股)有限公司及威信停車場國際控股有限公司合資經營, 1983 年開o既...

如果講好..就一定係香港駕駛學院, 價錢亦最貴.
我學電單車, 中型貨車同大巴都係駕駛學院學 !
都見過唔少女仔去學, 綿羊仔又有, 私家車貨車又有
相信亦會好識得點教妳.