某富豪破產前放了1億現金到瑞士銀行，他在 破產期 期間，過着 窮困的生活，還是 奢侈的生活﹖

先講吓瑞士銀行嘅保密條款.
一直以來, 瑞士銀行給人印象係為存款者絕對保密,無人查得到其戶口資料, 所以令瑞士銀行戶口成為逃税者, 毒販洗黑錢的天堂. 但其實唔係咁嘅!
瑞士法例規定, 瑞士銀行不可以就國外的民事訴頌提供其非瑞士籍客人的戶口資料, 甚至呢個人有無喺該銀行開有戶口都唔講得. 瑞士銀行亦不可以就國外的刑事撿控主動提供其非瑞士籍客人的戶口資料. 即係話, 當一個人(A君)在外國被控一d刑事嘅罪行時, 例如販毒, 商業訛騙等, 咁外國的執法機關要向瑞士法庭提出, 要求披露疑犯的戶口資料. 在瑞士法庭裁定:
(1) 該外國刑事罪行在瑞士亦同樣屬於刑事罪行, 及
(2) 外國的執法機關有足夠証據懷疑A君犯法
就會命令瑞士銀行向該外國的執法機關提供客人的戶口資料, 在有法庭命令下, 亦會凍結該戶口.
而瑞士的銀行保密法例, 對瑞士公民及在瑞士登記的公司並不適用.
所以, 瑞士銀行並非絕對保密的. 在維護公義及法律公正前題下, 客人的戶口資料係會被披露. 況且, 當一個客人戶口被凍結在瑞士, 瑞士政府又多幾億使住先(免息!!), 到官司完咗先要還. 幾正…

破產者隱瞞資產, 在瑞士及香港都屬於刑事罪行, 所以如果香港的破產管理署對瑞士銀行作出要求, 瑞士銀行會在經上述法律程序後, 會向破產管理署提供客人的戶口資料. 破產管理署亦可向瑞士法庭要求凍結戶口, 及將戶口内資產轉回香港, 存在破產管理署名下. 但要打幾年官司.


註: 在瑞士, 逃税係屬於民事訴訟 (税局 v. 納稅人), 並唔係好似美國或香港咁, 屬刑事罪行. 所以在外國逃稅, 瑞士銀行係唔可以因逃稅提而向第三者供客人的戶口資料.